Erkebulan Iemberdıev Ulttyq statıstıka bıýrosy basshysynyń orynbasary bolyp taǵaıyndaldy

Erkebulan Iemberdıev T. Rysqulov atyndaǵy Qazaq ekonomıkalyq ýnıversıtetin «Ekologııa» mamandyǵy boıynsha támamdaǵan. Ol Almaty ekonomıka jáne statıstıka akademııasynda «Ekonomıka» mamandyǵy boıynsha ekonomıka ǵylymdarynyń magıstri dárejesin alǵan.

Eńbek jolyn memlekettik statıstıka júıesinde 2011 jyly Qazaqstan Respýblıkasy Statıstıka agenttiginiń «Aqparattyq-esepteý ortalyǵy» ShJQ RMK Almaty qalasyndaǵy fılıalynyń úı sharýashylyqtary statıstıkasyn aqparattyq qamtamasyz etý bóliminiń mamany qyzmetinen bastaǵan.

Jalpy eńbek ótili – 15 jyl. Onyń barlyǵy memlekettik statıstıka júıesindegi qyzmetpen baılanysty. Osy kezeńde Ulttyq statıstıka bıýrosy men Aqparattyq-esepteý ortalyǵy júıesinde mamannan bastap basshylyq laýazymdarǵa deıingi kásibı eńbek jolynan ótti.

2023-2025 jyldary Almaty qalasy boıynsha «Aqparattyq-esepteý ortalyǵy» RMK fılıalynyń basshysy qyzmetin atqaryp, ishki bıznes-protsesterdi jetildirý, tsıfrlyq servısterdi damytý jáne fılıal jumysynyń tıimdiligin arttyrý baǵytyndaǵy jobalardy tabysty júzege asyrdy.

Taǵaıyndalǵanǵa deıin Ulttyq statıstıka bıýrosynyń Strategııalyq josparlaý jáne ádisnamalyq úılestirý departamentiniń dırektory qyzmetin atqardy.

Kóp jylǵy adal eńbegi úshin «Statıstıka úzdigi» tósbelgisimen jáne «Qazaqstan Respýblıkasynyń Parlamentine 30 jyl» mereıtoılyq medalimen marapattalǵan.

Aıta keteıik, buǵan deıin Danııar Moldahmetov Taldyqorǵan qalalyq sotynyń sýdıasy bolyp taǵaıyndalǵanyn jazdyq.