Erkebulan Daýylbaev Túrkistan oblysy ákiminiń orynbasary bolyp taǵaıyndaldy
TÚRKІSTAN. KAZINFORM – Qazaqstan Prezıdenti Ákimshiliginiń kelisimi boıynsha oblys ákiminiń ókimimen Túrkistan oblysy ákiminiń orynbasary laýazymyna Erkebulan Daýylbaev taǵaıyndaldy.
Túrkistan oblysynyń ákimi Nuralhan Kósherov jańa orynbasardy apparat ujymyna tanystyryp, oǵan Túrkistan oblysyn damytý baǵytynda mańyzdy jáne strategııalyq mindetter júkteletinin aıtty. El senimin aqtaıtynyna senim bildirip, jumysyna sáttilik tiledi.
Jańa orynbasar memlekettik qyzmet tájirıbesin jáne bilimin oblystyń múddesi úshin jumsaıtynyn jetkizip, senim artqan oblys ákimine alǵysyn bildirdi.
Erkebulan Daýylbaev 1978 jyly Ońtústik Qazaqstan oblysynda dúnıege kelgen. M.Áýezov atyndaǵy Ońtústik Qazaqstan memlekettik ýnıversıtetin, Reseı keden akademııasyn bitirgen.
Eńbek jolyn 1999 jyly QR Qarjy mınıstrligi Kedendik baqylaý komıtetiniń OQO boıynsha Kedendik baqylaý departamentiniń ınspektory laýazymynan bastady. 2010-2011 jyldary OQO Memlekettik sáýlet-qurylys baqylaý basqarmasynyń bólim basshysynyń mindetin atqarýshy, lıtsenzııalaý bóliminiń basshysy, 2011-2012 jyldary OQO Qurylys basqarmasy basshysynyń orynbasary boldy.
2012-2014 jyldary OQO boıynsha Kedendik baqylaý departamentiniń Kontrabandaǵa qarsy kúres basqarmasynyń basshysy qyzmetin atqardy.
2013-2014 jyldary OQO qurylys basqarmasynyń basshysy boldy.
2016-2017 jyldary «Nur Otan» partııasy OQO fılıaly tóraǵasynyń orynbasary, 2017-2018 jyldary QR AShM Jer resýrstaryn basqarý komıteti tóraǵasynyń orynbasary, 2018 jyly Jambyl oblysy ákiminiń keńesshisi, 2018-2020 jyldary Jambyl oblysy ákiminiń orynbasary laýazymdarynda eńbek etti.
2020-2021 jyldary QR IIDM Qurylys jáne TKSh isteri komıteti tóraǵasynyń orynbasary, 2021 jylǵy tamyzdan QR Prezıdenti Ákimshiliginiń memlekettik ınspektory, 2022-2023 jyldary QR Indýstrııa jáne ınfraqurylymdyq damý vıtse-mınıstri jáne 2023-2024 jyldary Túrkistan oblysy ákiminiń keńesshisi bolǵan.
2024 jyldyń jeltoqsan aıynan bastap qazirge deıin Túrkistan oblysy ákimi apparatynyń basshysy qyzmetin atqaryp keldi.
Budan buryn Túrkistan oblysynyń Bilim basqarmasyna jańa basshy taǵaıyndalǵanyn jazǵan edik.