«Erke sylqym» kúıiniń avtory Ábdimomyn Jeldibaev dúnıeden ótti

TARAZ. KAZINFORM – Belgili kúıshi-kompozıtor, Qazaqstannyń eńbek sińirgen óner qaıratkeri Ábdimomyn Jeldibaev 90 jasqa qaraǵan shaǵynda dúnıeden ozdy.

Ábdimomyn Jeldibaev 1934 jyly 15 qazanda Jambyl oblysy Shý aýdanynda dúnıege kelgen. Qurmanǵazy atyndaǵy Qazaq ulttyq konservatorııasyn bitirgen.

30 jyldan astam ýaqyt «Shý erkesi» halyq aspaptar ansambline jetekshilik etti. Kompozıtordyń «Arman qus», «Tolǵaý», «Jesir sazy», «Ydyrys», «Aqqý», «Abaı armany», «Jambyl tolǵaýy», «Turan eli» sııaqty 70-ten astam kúıi men áni bar.

Onyń «Erke sylqym» kúıi halyqqa keńinen taralǵan. Kúıshiniń ataqty týyndysy - «Erke sylqymnyń» qurmetine 2011 jyly Shý qalasynda eskertkish ornatylǵan.

«Qurmet», «Parasat» ordenderiniń, aıryqsha belgidegi «Altyn barys» tósbelgisiniń ıegeri.