Erke Esmaxan «Nur Otannan» qandaı syılyq aldy

ASTANA. QazAqparat - "Nur Otan" partııasynyń qataryna saltanatty qabyldaý rásimi men ánshi Erke Esmaxannyń týǵan kúni tuspa-tus keldi. Osyǵan baılanysty partııa tóraǵasynyń birinshi orynbasary Muxtar Qul-Muxammed tanymal ánshige partııalyq bıletpen birge estelik syılyqty da tabystady, dep xabarlaıdy QazAqparat tilshisi.

"Men búgingi kúndi jaqsylyqqa joryp turmyn. Ózimniń týǵan kúnimde osyndaı úlken qýanyshqa kenelip jatyrmyn. Elimizdegi eń bedeldi partııaǵa ótý - men úshin  úlken qýanysh jáne úlken jaýapkershilik... Alda barlyq úmitterdi aqtaımyn degen oıdamyn... Shynymdy aıtsam, qobaljyp turmyn", - dedi Esmaxan saltanatty shara barysynda.

Resmı bólimnen keıin ánshi QazAqparat tilshisine óziniń syılyǵyn kórsetti. Shaǵyn qoraptyń ishinde qolsaǵat, qalam men vızıtka salatyn saýyt bar. "Bul qymbat metaldan jasalǵan buıymdar ma?" - dep suraǵanymyzda Erke Esmaxan: "Iá, altyn, brıllıant", - dep jaýap berdi. Alaıda "Nur Otannyń" ókilderi atalǵan buıymdardyń quramynda qymbat metaldyń joqtyǵyn, onyń tek estelik kádesyı úshin ǵana jasalǵanyn jetkizdi.

Aıta keteıik, búgin "Nur Otan" partııasynyń qataryna kásibı boksshy Janat Jaqııanov, Olımpıada júldegeri, aýyr atlet Karına Gorıcheva, ánshi Tóreǵalı Tóráli, jas ǵalym Áýesxan Ospanov, "Dıplommen aýylǵa" baǵdarlamasynyń qatysýshysy Axmet Magomedov, narkologııa men psıxoterapııa ortalyǵy basshysynyń orynbasary Alýa Masalımova, ınjener-texnolog Dmıtrıı Babylev, fermer Egemen Jumaǵalı, mexanık Nıkolaı Oleınıkov, balalar úı dırektorynyń orynbasary Veronıka Vlasova, arxeolog Aıbar Qasenalın, ıntellektýaldyq oıyndardyń qatysýshysy Ýálıxan Turarbekuly men "Bolashaqtyń" túlegi Jalǵas Berikuly qabyldandy. Atalǵan shara QR Tuńǵysh Prezıdenti kúninearnalyp otyr .