Erke Esmahan, Álı Oqapov esirtkige qarsy rolıkterge tústi
«Salaýatty ómir saltyn nasıhattaý, esirtkiniń aldyn alýda jastar arasyndaǵy belsendi azamattyq ustanymdy qalyptastyrý, densaýlyqqa qundylyqty kózqaras qalyptastyrý, nashaqorlyq problemasyna nazar aýdartý maqsatynda Іshki ister mınıstrligi «Svobodnye lıýdı» qaýymdastyqty damytý qorymen birlesip, Eýropalyq Odaqtyń Ortalyq Azııadaǵy nashaqorlyqtyń aldyn-alý baǵdarlamasy aıasynda ata-analarǵa arnalǵan «Balańyzdy súıýge úıretińiz, sonda ol esirtkiden alshaq bolady», «Shamadan tys jumys», «Balańyzdy sezinýge úıretińiz, sonda ol esirtkiden alshaq bolady», «Baqylaý» jáne «Erkine jiberý» atty beınerolıkter toptamasyn túsirýdi aıaqtady», - delingen vedomstvo málimetinde.
Mınıstrlik aqparatyna sáıkes, Qazaqstan estradasynyń juldyzdary Erke Esmahan, Álı Oqapov jáne «Ekeý» toby nashaqorlyq problemasyna beı-jaı qaramaı óz pikirlerin bildirgen. Beınerolıkter eldiń telearnalarynda jáne «Chaplın» kınoteatry jelisinde kórsetiledi. Sonymen qatar rolıkter ІІM Esirtki qylmysyna qarsy is-qımyl departamentiniń «Narkotıkam Net» arnasynda ornalastyrylǵan.