Erke Esildiń jaǵasynda «Dybys ózeni» taǵy da tamashalanady
ASTANA. 4 maýsym. QazAqparat - Biregeı nómirler, sýdyń ústine ornatylǵan sahna jáne óner juldyzdary- osynyń bári Astananyń mereıtoıyn merekeleý kezinde balet ónerin baǵalaýshylarǵa usynylady.
Bıyl dástúrli klassıkalyq mýzyka keshi 4-7 shilde aralyǵynda taǵy da ashyq aspan astynda ótedi, dep habarlady elorda kúnin ótkizý jónindegi medıa shtabtan.
Keıingi bes jylda «Dybys ózeni» klassıkalyq mýzyka keshi elorda úshin tek dástúrge aınalyp ǵana qoıǵan joq, mýzykanttar men mýzyka áýesqoılarynyń saǵyna kútetin mádenı oqıǵasyna aınaldy.
Elordanyń mádenıet keńistiginde paıda bolǵan «Dybys ózeni» elimizde teńdesi joq keremet is-shara, sonymen qatar elıtarlyq ónerdiń adamdar boıynda jappaı qyzyǵýshylyq oıata alatyndyǵynyń taǵy bir jarqyn dáleli.
Osy jyldarda Esil ózeninde ornatylǵan sý ústindegi sahnada sımfonııalyq mýzykanyń eń bir keremet birneshe kontsertteri qoıyldy. Balettik spektaklder men opera óneriniń jaýharlary oryndaldy. Ózen ústinde óner kórsete otyryp, ártister tanymal, kópshilikke belgili týyndylardy usynady, sol arqyly klassıkalyq mýzykany jete túsinbeıtin adamdarǵa kontsertti qyzǵylyqty, tartymdy etip berýge tyrysady. Jyl ótken saıyn sýdaǵy teatr qoıylymdaryn tamashalaýshylardyń sany artyp keledi. Ár keshte usynylatyn jaǵalaýdaǵy qoıylymdarǵa 7-8 myńǵa jýyq kórermen qatysady.
