Erik Tursynǵalıev Aqtóbe oblysy qarjy basqarmasyna basshy bolyp taǵaıyndaldy
AQTÓBE. KAZINFORM — Aqtóbe oblystyq qarjy basqarmasynyń basshysy qyzmetine Erik Temirjanuly Tursynǵalıev taǵaıyndaldy. Ol bıyl sáýir aıynan bastap Aqtóbe oblysy ákiminiń keńesshisi qyzmetin atqarǵan.
Aqtóbe oblysy ákiminiń baspasóz qyzmetiniń habarlaýynsha, Ashat Shaharov jańa basshysyny aktıv otyrysynda tanystyrdy.
— Erik Tursynǵalıevtiń aldyna bıýdjettiń tıimdi atqarylýy, bıýdjet qarajatyn paıdalaný monıtorıngin júrgizý, kommýnaldyq menshiktegi nysandar men memlekettik aktıvterdi ońtaıly basqarý jónindegi jumysty uıymdastyrý sekildi birqatar mindet júktedi, — dep habarlady Aqtóbe oblysy ákiminiń baspasóz qyzmeti.
Erik Tursynǵalıev 1988 jyly dúnıege kelgen.
Bilimi joǵary. 2009 jyly Qazaqstandyq menedjment, ekonomıka jáne boljaý ınstıtýtyn, 2010 jyly L. N. Gýmılev atyndaǵy Eýrazııa ulttyq ýnıversıtetin, 2013 jyly Q.Jubanov atyndaǵy Aqtóbe memlekettik ýnıversıtetin támamdaǵan.
Eńbek jolyn 2009 jyly «Olympex Advisers» JShS assıstent, keńesshi bolyp tastaǵan
2012-2015 jyldary aralyǵynda QR Qarjy Mınıstrliginiń Qarjy baqylaý komıtetiniń sarapshysy, bas sarapshysy, 2015 — 2018 jyldary aralyǵynda QR Qarjy mınıstrliginiń Іshki memlekettik aýdıt komıtetiniń Shyǵys Qazaqstan oblysy jáne Astana qalasy boıynsha Іshki memlekettik aýdıt departamentteri basshysynyń orynbasary qyzmetterin atqarǵan.
2018-2024 jyldar aralyǵynda Shyǵys Qazaqstan oblysy boıynsha tekserý komıssııasynyń múshesi, tóraǵasy bolyp qyzmet etti.
2024 jyldyń sáýir aıynan bastap osy ýaqytqa deıin Aqtóbe oblysy ákiminiń keńesshisi boldy.
