Erimbetovti tergeý ızolıatorynda uryp-soqty degen aqparat jalǵan - QR ІІM
ASTANA. QazAqparat - Erimbetovti tergeý ızolıatorynda uryp-soqty degen aqparat jalǵan. Bul týraly QR ІІM Qylmystyq atqarý júıesiniń baspasóz qyzmeti taratqan aqparattardan málim boldy, dep habarlaıdy QazAqparat.
Baspasóz málimetterine qaraǵanda, aǵymdaǵy jylǵy 10 aqpanynda tergeý qamaýyndaǵy E.Erimbetovtiń anasy Almaty qalasynda ótken baspasóz konferentsııasynda ulyn tergeý ızolıatorynda uryp-soǵyp, azaptap jatyr dep shaǵymdanǵan.
Osyǵan baılanysty birqatar quqyq qorǵaýshylar I.Erimbetovpen betpe-bet kezdesý uıymdastyrdy.
Osylaısha, Adam quqyqtary jónindegi ulttyq ortalyqtyń jetekshisi S.Ospanov pen Almaty qalasyndaǵy Ulttyq aldyn alý tetiginiń jetekshisi I.Mıroshnıchenko atalǵan faktilerdi tekserip, anyqtaý úshin jáne qajetti kómekter kórsetý úshin tergeý ızolıatoryna bardy.
Sonymen qatar, 2018 jylǵy 31 qańtarda osy mekemege Almaty qalasy Qoǵamdyq baıqaý komıssııasynyń tóraǵasy A.Janábilova keldi.
Al osy jyldyń birinshi aqpanynda sottalǵan E.Erimbetovpen tildesý úshin Adam quqyqtary jónindegi ýákil Jemis Turmaǵambetova men Adam quqyqtary jónindegi halyqaralyq bıýronyń dırektory Evgenıı Jovtıs baryp qaıtty.
J.Turmaǵambetova men E.Jovtıs tergeý qamaýyndaǵy I.Erimbetovtiń jaǵdaıyn tekserip, onymen SIZO qymetkerleriniń qatysýynsyz jasyryn sıpattaǵy áńgimelesý ótkizdi.
Quqyq qorǵaýshylardyń qylmystyq-atqarý júıesi mekemelerine barý nátıjesi boıynsha I.Erimbetovtiń tarapynan qandaı da bir shaǵymdar bolǵan joq. Mekemeniń kommýnaldy-turmystyq jaǵdaıyn jaqsartý maqsatynda quqyq qorǵaýshylar tergeý ızolıatorynyń ákimshiligine birqatar usynymdar berdi.
Esterińizge sala keteıik, osyǵan deıin Almatyda Sybaılas jemqorlyqqa qarsy is-qımyl ulttyq bıýrosynyń vedomstvoaralyq jedel tergeý toby men Ulttyq qaýipsizdik komıtetiniń ókilderi bankır Muhtar Ábilıazovtyń sybaılastary bolýy múmkin dep kúdik keltirilip otyrǵan 4 adamdy ustaǵandyǵyn habarlaǵan bolatynbyz.
