Eriktilik baǵdarlamalaryn tıimdi uıymdastyrý jáne rroject-menedjment boıynsha bapkerler kýrstary ótedi
Eriktilerdi biriktirý ortalyǵy - Qaıyrymdylyq Seimar Social Fund pen BUU eriktiler baǵdarlamasynyń birlesken sharasy. Bapkerler mektebi eriktilermen jumys isteıtin jáne áleýmettik baǵdarlamalardy iske asyrýmen aınalysatyn mamandardyń myqty tobyn qurýǵa baǵyttalǵan. Bapkerler mektebine qatysýshylardy jınaý baıqaý negizinde ótedi. Alǵashqy kýrs aýmaqtyq ÚEU úılestirýshileri úshin 19-20 mamyr kúnderi ótedi. Ekinshi kýrs aýmaqtyq ÚEU bapker-volonterlary úshin 22-23 qyrkúıek kúnderi bolady.
Bapkerler mektebine qatysý baıqaýy 2 kezeńnen turady. Baıqaýdyń birinshi kezeńinde úmitkerler - bekitilgen úlgi boıynsha saýalnama, túıindeme jáne «Men ózimniń qyzmetimdi jaqsy kóremin, óıtkeni...» taqyrybynda esse ótkizý kerek. Olarǵa qoıylatyn talaptar: 1 jyl boıy ÚEU joba úılestirýshisi nemese joba mamany retinde jumys tájirıbesi. Jasy 21-den 30-ǵa deıin bolýy jáne orys nemese qazaq tilderin tolyq meńgerýi. Al ekinshi kýrs kandıdattaryna qoıylatyn talaptar: jasynyń 18-den 35-ke deıin jáne 1 jyl boıy ÚEU volonter retinde jumys tájirıbesiniń bolýy.
Birinshi kýrsqa suranymdar 2 sáýirden 23 sáýirge deıin qabyldanady. Ekinshi kýrsqa qatysýshylardy jınaý jaıly aqparat qosymsha jarııalanady. Oqytý baǵdarlamalaryna 1-kýrsta: eriktilerdi izdeý jáne tartý óneri. Ýájdiń jáne yntalandyrýdyń múmkindikteri. Eriktilik baǵdarlamalardy ázirleý. Fandreızıngtik qyzmet. Eriktilermen jumys isteýdiń quqyqtyq aspektileri men BAQ qyzmet etý negizderi engen. Ekinshi kýrsta: balalarǵa (balalar úılerine) shetel tilderin oqytý ádistemesi. Eresekter men balalar (balalar úıleriniń jáne ońaltý ortalyqtarynyń) úshin kompıýterlik saýattylyqty oqytý ádistemesi. Ózgeshe qajettilikteri bar adamdarǵa qaraý negizderi (ásirese hospısterge). ÚEU ákimshilik qyzmeti men is qaǵazdaryn júrgizýge kirispe. Fandreızıng jáne seriktestermen jumys qarastyrylǵan.
