Eriktiler Jaıyq ózeniniń jaǵasynan 15 tonna qoqys jınady
ATYRAÝ. QazAqparat - Atyraýda «Taza sý aıdyndary» atty tabıǵatty qorǵaý aktsııasy ótti, dep habarlaıdy QazAqparat tilshisi.
«Býgorkı» saıajaı ýchaskesinde ótken dástúrli aktsııaǵa ártúrli kompanııalar men uıymdardyń 200-ge jýyq ókili, sondaı-aq eriktiler de qatysty. Bul aktsııanyń maqsaty - Jaıyq ózeniniń jaǵalaý beldeýin qoqystan tazartý. Jaıyq jaǵasynda shamamen 15 tonna qurǵaq qoqys jınaldy. Oǵan 10 kólik pen eki qaıyq shaqyryldy. Barlyq qoqystar «Kamazben» qoqys polıgonyna jetkizildi», - dedi Atyraý orman jáne janýarlar dúnıesi ınspektsııasynyń bas mamany Aqjan Zulqarova.
Aıta ketken jón, bir aıǵa sozylǵan «Taza sý aıdyndary» tazalyq aktsııasy oblys boıynsha keń kólemde uıymdastyrylyp keledi.
