Eriktiler Jaıyq ózeniniń jaǵalaýynan 2 tonna qoqys jınady
ATYRAÝ. QazAqparat - Atyraýda Jaıyq ózeniniń aınalasynan eriktiler 2 tonna qoqys jınady, dep habarlaıdy QazAqparat.
«Jaıyq ózeniniń jaǵalaýyn tazalaıyq degen usynysqa 50-den astam adam qoldaý bildirdi. Olardyń arasynda túrli eriktiler uıymdarynyń ókilderi, jaı ǵana qalanyń turǵyndary da bar. Qoqys qala mańyndaǵy Balyqshy aýdanynda polıetılen paketter men qaptarǵa jınalyp, kólikterge tıelip, arnaıy polıgonǵa jóneltildi»,-dep atqarylǵan jumystar jóninde áleýmettik jeli arqyly esep berdi eriktiler.
Bul Atyraýda eriktiler tarapynan jasalǵan alǵashqy jumys emes. Olar osyǵan deıin aǵash otyrǵyzý, toǵandardan shabaqtardy qutqarý sııaqty sharalarǵa da qatysqan bolatyn.
