Eriktiler Safar Shákeevti izdeýge kınologtardyń kómektesýin suraıdy
ASTANA. QazAqparat - Safar Shákeevti izdeýge jumylǵan eriktiler kınologtardyń kómektesýine úmit artady, bul týraly Shákeevter otbasynyń dosy Vıktorııa Momynbaeva habarlady.
«Bizge ıtterimen kınologtardyń kómegi shuǵyl qajet. Kómektesýlerińizdi suraımyz, baılanys jelisin habarlaýdy nemese shtabtyń táýlik boıy jumys isteıtin +77079286494 +77272590114» nómirlerine habarlasýdy ótinemiz», - dep jazdy ol óziniń Facebook-tegi paraqshasynda.
Sonymen birge Vıktorııa óshirilgen telefonnyń málimetterin anyqtaı alatyn adamdardan kómek surady, sondaı-aq oqıǵa ornyn spýtınıktik baqylaý júıesi sýretimen kómektesýdi ótinedi.
Eske sala keteıik, qazaqstandyq kompozıtor Erkesh Shákeev uly Safardyń joǵalyp ketýine baılanysty málimdeme jasady.
«Men búkil ómirimdi ónerge jáne adamdarǵa arnadym. Ókinishke oraı, qyrsyq meniń otbasyma da úıirildi. Áke retinde eger de bireýler meniń ulym Safardy ustap otyrǵan bolsa, nemese qaıda ekenin biletinder bolsa - ony bosatýlaryńyzdy ótinemin. Bul adamdardy qandaı da bir jaýapkershilikten qutqarý úshin qolymnan keletin sharalardy qolǵa alatynyma ýáde beremin. Túsinistikke úmittenemin», - dedi Erkesh Shákeev.
Budan buryn eriktiler Remızovka aýyly turǵyndarynyń da Safar Shákeevti izdestirýge kómektesýlerin surady. Joǵalyp ketken jigittiń jaqyndary men tanystary bul oqıǵaǵa deıin Safar beınetirkeýishterden, baqylaý kameralarynan tabylyp qala ma dep úmittenedi.
Sonymen birge, Safardy qalanyń qutqarý qyzmetteri izdestirýde, oǵan 100-den astam polıtseıler men eriktiler jumyldyrylǵan.
Atap óteıik, belgili qazaqstandyq kompozıtordyń ulynyń bir habaryn berýge qol úshin bergen adamdarǵa 10 mln. teńge tigilgen bolatyn.
