Eriktiler 10 qaraǵandylyq otbasyn azyq-túlikpen qamtamasyz etti

QARAǴANDY. QazAqparat – Qaraǵandy oblysy eriktileriniń front-keńsesi sambo federatsııasynyń qurmetti prezıdenti Danııar Qalymbetovpen birge muqtaj jandarǵa azyq-túlik taratý boıynsha qaıyrymdylyq aktsııasyn uıymdastyrdy, dep habarlaıdy QazAqparat tilshisi.

«Qaraǵandyda 10 otbasy azyq-túlik aldy. Bul kóp balaly jáne jalǵyz basty analar, 1-toptaǵy múgedekter, sondaı-aq zeınetkerler. Azyq-túlik jıyntyǵy eki kishkene tordan turdy: kartop, pııaz, 5 lıtr maı, 4 kg qaraqumyq, 4 kg qant, bir qorap un, 10 kg makaron, 10 kg juqa kespe, 5 kg kúrish, bir qorap shaı. Ár otbasyǵa osyndaı jıyntyq taratyldy. Aktsııa osymen aıaqtalmaıdy», — deıdi oblystyq volonterler front-keńsesiniń jetekshisi Mádına Tursynbekova.

Endi eriktiler UOS ardagerleri men tyl eńbekkerlerine kómek kórsetýdi josparlap otyr.

«Men Qaraǵandy oblysynyń ardagerler keńesine qońyraý shalyp, bizge kómekke

muqtaj adamdardyń tizimin berýlerin suradym. Sondaı-aq, biz qarttarǵa aýlalarda qar tazalaýǵa, zeınetkerler men múgedekterdiń úıleri men páterlerin tazalaýǵa, dári-dármekter, azyq-túlik jáne t.b. jetkizýge kómektesemiz, Meniń nómirim [phone], Ssenim109 baılanys ortalyǵynda kórsetilgen. Muqtaj adamdar qońyraý shala alady», — dedi Mádına Tursynbekova.