«Erikti kıbersaqtandyrý» qyzmeti engiziledi – Asqar Jumaǵalıev
Zań jobasy Memleket basshysynyń 2019 jylǵy 2 qyrkúıektegi Joldaýyna sáıkes ázirlendi.
«Ózderińizge belgili, Elbasynyń bastamasymen «Tsıfrlyq Qazaqstan» baǵdarlamasy qabyldandy. Bul baǵdarlama 2 jyl ishinde elimizdi tsıfrlandyrýdyń draıverine aınaldy. Osyǵan oraı, zań jobasy tsıfrlandyrý protsesin odan ári jyldamdatýǵa úlken serpin beredi. Qujat, eń aldymen, tsıfrlyq tehnologııalardy damytýǵa, sondaı-aq, olardy qoldanýmen baılanysty qatynastardy retteýge baǵyttalǵan», - dedi Tsıfrlyq damý, ınnovatsııalar jəne aeroǵarysh ónerkəsibi mınıstri Asqar Jumaǵalıev.
Atap aıtqanda, Memleket basshysy Tsıfrlandyrý jónindegi otyrysta barlyq qujat aınalymyn elektrondyq formatqa kóshirý týraly tapsyrma bergen bolatyn. Bul máseleni sheshý tásilderiniń biri - Tsıfrlyq qujattar servısin engizý. Atalǵan servıs «Mobıldi úkimet» qosymshasynda kórsetiledi. ıAǵnı, azamattarǵa qaǵaz túrindegi qujatty usynbaı-aq qyzmet alýǵa múmkindik beredi. Osyǵan baılanysty, Tsıfrlyq qujattar servısin zańnamalyq túrde aıqyndaý usynylady.
«Ekinshiden, tsıfrlandyrý nátıjesinde taldaýdy qajet etetin úlken derekter qory qalyptasty. Osyǵan baılanysty, zań jobasymen «Úlken derekterdi» taldaý tetigin retteý usynylady.
Osy tetikti engizý Smart Data Ukimet jobasy negizinde ekonomıkalyq kórsetkishterdi taldaý arqyly tıimdi Úkimet sheshimderin qabyldaýǵa múmkindik beredi. 2018-2019 jyldary Smart Data Ukimet jobasy aıasynda qarjy, bilim berý, áleýmettik jáne densaýlyq saqtaý salalarynda 187 mlrd teńge shamasynda ekonomıkalyq áser berdi. Atap aıtsam, qarjy salasynda qosymsha túsimder, densaýlyq saqtaýda dárilik zattardy ońtaıly bólý arqyly boldy. Osyndaı naqty mysaldar bilim berý, áleýmettik salalarda da ekonomıkalyq áserin kórsetti. Biz bul jumysty basqa da memlekettik organdarmen jalǵastyratyn bolamyz», - dedi mınıstr.
Úshinshiden, tsıfrlyq tehnologııalardy engizý - azamattardyń derbes derekterin qorǵaýdy talap etedi. Osy oraıda derbes derekterdi qorǵaý salasyndaǵy ýákiletti organdy anyqtaý usynylady.
«Sondaı-aq, osy derekterdi qorǵaý servısin engizý qajet dep sanaımyz. Servıs azamattardy onyń derekterimen jasalatyn is-áreketter týraly habardar etýge múmkindik beredi. Odan basqa, osy saladaǵy jańa saqtandyrý túri retinde «Erikti kıbersaqtandyrý» qyzmeti engiziledi. Ózderińizge belgili, azamattardyń derbes derekterin qorǵaý - memleket paryzy», - dedi Asqar Jumaǵalıev.