Erikti kásibı zeınetaqy jarnalary 4 myńnan astam azamatqa ǵana tólenýde - Eńbek mınıstri
ASTANA. 3 sáýir. QazAqparat - Búgingi kúni erikti kásibı zeınetaqy jarnalary 4 myńnan astam azamatqa tólenýde. Al ondaı jumyskerler sany 346 myń adamdy quraıdy. Búgin Parlament Májilisinde «Zeınetaqymen qamsyzdandyrý týraly» jáne «Qazaqstan Respýblıkasynyń keıbir zańnamalyq aktilerine zeınetaqymen qamsyzdandyrý máseleleri boıynsha ózgerister men tolyqtyrýlar engizý týraly» zań jobasynyń kezekti tanystyrylymy barysynda Eńbek jáne halyqty áleýmettik qorǵaý mınıstri Serik Ábdenov osylaı málim etti.
«Bul erikti zeınetaqy júıesiniń jetkilikti túrde damymaǵanyn, tıisinshe eńbek jaǵdaıyndaǵy erekshe qaterlerdi ótemeıtindigin kórsetedi. Osyǵan oraı mindetti zeınetaqy jarnalaryna qosymsha eńbekaqy tóleý qorynyń 5 paıyzdyq mólsherinde mindetti kásiptik jarnalar engizý usynylady»,-dedi S. Ábdenov.
Onyń aıtýynsha, zııandy óndiriste isteıtin jumyskerler, kásipter tizimin Úkimet bekitip qaıta-qaıta qarap otyratyn bolady.
