Erik Sultanov SQO-nyń úzdik ustazdaryn marapattady
ASTANA. QazAqparat - Ustazdardyń dástúrli tamyz keńesi osy jyly «Bilimdi el - máńgi el» taqyrybyna arnaldy. Kezdesý barysynda óńir ustazdary bilim berýdiń zamanaýı modeli men damý qarqynyn talqylady. Is-sharaǵa Soltústik Qazaqstan oblysynyń ákimi Erik Sultanov qatysty, dep habarlaıdy ákimniń baspasóz qyzmeti.
Konferentsııa barysynda Petropavl qalasy oqýshylarynyń mektep kıimi úlgileri kórsetildi, sondaı-aq óńir basshysy mektep kıimi úlgilerin jasaýshylardyń ónimderimen tanysty. Budan bólek, konferentsııa ótken Jastar saraıynyń kireberisinde oblystyń bilim berý mekemelerinń jetistikteriniń tanystyrylymy boldy.
Jınalys barysynda sala ókilderiniń eren eńbekteri baǵalandy. QR Bilim jáne ǵylym mınıstrligi departamentiniń dırektory Nurseıit Baıjanov bilim berý salasynyń 5 qyzmetkerine «QR bilim salasynyń Qurmetti qyzmetkeri» tósbelgisin, al taǵy 2 qyzmetkerge «Y.Altynsarın» belgisin tabystady.
Konferentsııaǵa qatysýshylarǵa arnap sóılegen sózinde Erik Sultanov «100 naqty qadam» Ult Josparyn júzege asyrýǵa baılanysty búgin mekteptegi bilim berý júıesi jańa jańartý kezeńinde turǵanyn atap ótti.
Osyǵan baılanysty memleket, atqarýshy organdar tarapynan jasalyp jatqan úlken irgeli ister bilim júıesin jappaı damytýǵa baǵyttalǵan. Osy jyly bizdiń óńirde atalǵan salany qarjylandyrýǵa 49,1 mlrd.teńge qarajat bólingen.
SQO ákimi mektepke deıingi bilim berýdiń jaı-kúıine úlken nazar aýdardy. Búginde bul jumysta basty salmaq memlekettik-jeke yqpaldastyqqa túsip otyr. Sońǵy eki jylda shaǵyn jáne orta bıznes sýbektileriniń qatysýymen 2000-nan astam mektepke deıingi oryn ashylǵan.
«Petropavl qalasynda 3 jastan 6 jasqa deıingi balalardy balabaqshamen tolyq qamtý úshin jaqyn arada kontsessııa aıasynda 140 oryndy balabaqsha qurylysyn bastaý, sondaı-aq 2017 jyly kontsessııa boıynsha taǵy 2 balabaqsha salý josparlanǵan. Bul 370 oryn kelesi jyly paıdalanýǵa beriletin bolady. Olar oblys ortalyǵynyń úlken suranysqa ıe aýdanynda salynatynyn atap ótkim keledi», - dedi Erik Sultanov.
Sondaı-aq Erik Sultanov orta bilim berý máselesine de keńinen toqtaldy. Munda jańartylǵan bilim mazmunynda materıaldy-tehnıkalyq qordy nyǵaıtýǵa úlken talaptar qoıylyp otyr.
Sonymen, 59 bilim berý mekemesinde jalpy somasy 1 mlrd.300 mln. teńge bolatyn kúrdeli jóndeý jumystary júrgizilýde.
«Kompıýterlik synyptardy jańartýǵa 100 mln.teńge bólinip, mektepterge 1099 jańa kompıýter satylyp alyndy. Oblystyń mektepterin qajet oqýlyqtarmen qamtamasyz etý úshin oblystyq bıýdjetten 520 mln.teńge, onyń ishinde 8 myńnan astam birinshi synyp oqýshylary úshin190 mln.teńge bólindi», - dep atap ótti oblys ákimi.
Shara barysynda Erik Sultanov ustazdardy jańa oqý jylynyń bastaýymen quttyqtap, sala qyzmetkerleriniń eńbegin baǵalap ótti. Soltústik Qazaqstan oblysy ákiminiń Qurmet gramotasymen 2 ustaz marapattalsa, taǵy 4-i alǵys hatqa ıe boldy.
Sondaı-aq, óńir basshysy oqý oryndardyń ustaz kásibin tańdaǵan 15 túlegine sáttilik tiledi.
Aıta ketý kerek, osy jyly «Orta bilim berýdiń úzdik mekemesi» ataǵyna Ýálıhanov aýdanynyń Bıdaıyq orta mektebi ıe boldy. Syı-syıapat retinde atalǵan mektepke oblystyq bıýdjetten 17 mln.teńge grant bólindi.
Erik Sultanov ǵylymı jobalar men respýblıkalyq olımpıada jeńimpazdaryn daıyndaǵany, biryńǵaı ulttyq testileýde úzdik kórsetkishi, bilim sapasynyń táýelsiz baǵalaýdaǵy joǵary kórsetkishi úshin óńirdiń 26 ustazyna aqshalaı syılyqaqy tabystady. Sondaı-aq osyndaı marapatqa túrli atalymdar boıynsha taǵy 12 ustaz ıe boldy.
Soltústik Qazaqstan oblysynyń ákimi Qazaqstan Respýblıkasynyń Táýelsizdigi jyldarynda bilim berý salasyn damytýǵa qosqan ólsheýsiz úlesteri úshin pedagogıkalyq eńbektiń 6 ardagerine quttytaý adresin tapsyrdy.
Konferentsııa barysynda bilim basqarmasynyń basshysy Sholpan Qarınova, «Ardagerler bilim sapasy úshin» QB tóraıymy Raısa Polışýk, N.Nazarbaev bilim qorynyń keńesshisi Fedor Vasserman, sondaı-aq bilim salasynyń qyzmetkerleri, ata-analar komıtetiniń ókilderi baıandamalaryn oqydy.
