Erik Sultanov pen Danıal Ahmetov eki óńirdiń yntymaqtastyǵyn jaqsartýdy qolǵa aldy

Soltústik óńirimen tanysý jumystary «Green park» demalys ornynan bastaldy. Bul demalys aımaǵy byltyrǵy jyldyń jeltoqsan aıynda ashylǵan bolatyn. «Green park» aýmaǵynda monsha, basseın, kúrkeler, amfıteatr, balalar oıyn alańy ornalasqan, al qysqy ýaqytta bul jerde shańǵy jáne shanany jalǵa alýǵa bolady.

Ári qaraı qonaqtar Sport saraıyna bardy. Delegattar toby jeńil atletıkalyq manej ben hokkeı kortynda bolyp, soltústikqazaqstandyq sportshylardyń oqý-jattyǵý barysymen tanysty.

Konferents-zalda qos oblys ókilderiniń qatysýymen ekijaqty kezdesý ótti. Óńir basshysy Erik Sultanov qonaqtardy qarsy alǵan soń, Shyǵys Qazaqstan oblysy Soltústik Qazaqstan úshin iri óndiristik qýatqa ıe, mańyzdy saýda-ekonomıkalyq áriptes ekenin atap ótti.

«Shyǵys Qazaqstan oblysynan jyl saıyn 12%-ǵa deıin (3,5 mlrd teńge) ónim bizdiń óńirge tasymaldanady. Bular negizinen avtokólik, aýyl sharýashylyǵy salasyna qajetti traktorlar, et jáne sýbónimder, qurylys materıaldary», - dedi Erik Sultanov.

 

Aıta ketý kerek, aǵymdaǵy jyldyń maýsym aıynda Soltústik Qazaqstan oblysynyń Óskemen qalasyna jumys sapary barysynda eki jaqty yntymaqtastyqtyń qarqyndy damýyna múmkindik beretin kelissózder jasalǵan bolatyn. Kezdesý aıasynda tabysty kelisimder jasalyp, taraptar birqatar qujattarǵa qol qoıǵan bolatyn. Osy ýaqyt aralyǵynda kásiporyndary jalpy somasy 60 mln. teńgeden astam qarajatqa kelisim-shart jasaǵan.

«Mundaı kezdesýler yntymaqtastyqty damytýǵa úlken múmkindik beredi. Soltústik Qazaqstan óńiri bul baılanysqa qyzyǵýshylyq tanytyp otyr. Óńiraralyq baılanys nyǵaıǵan saıyn, óńirlerdiń ekonomıkalyq áleýeti de qarqyndy túrde damıtyn bolady», - dedi Erik Sultanov.

Óz kezeginde Shyǵys Qazaqstan oblysynyń ákimi Danıal Ahmetov búgingi kezdesý óńirler arasyndaǵy strategııalyq yntymaqtastyqtyń jańa kezeńi ekenin atap ótti.

 «Soltústik Qazaqstan oblysy agrotehnıkanyń úzdik úlgilerin kórsetýde. Men soltústikqazaqstandyq sharýalar álemdik aýyl sharýashylyq salasynda básekege qabiletti ekenine kúmánim joq. Soltústik Qazaqstan oblysynyń ındýstrııalyq óndiris kesheni básekege qabiletti jáne sapaly azamattyq qana emes áskerı-tehnologııalyq maqsattaǵy ónim de óndiredi. Shyǵys Qazaqstan - elimizdiń ındýstrıaldy ortalyǵy. Bizdiń óńirde maqtanýǵa turarlyq ınnovatsııalyq tehnologııalar bar. Óńir baılanystaryn saqtap, damytý úshin qazirden bastap ınvestıtsııalyq jobalardy júzege asyrýdy ekijaqty yntymaqtastyq sharalaryna qosý qajet», - dedi Danıal Ahmetov.

 

Ári qaraı ekijaqty yntymaqtastyqtyń bolashaǵy týraly qatysýshylarǵa Soltústik Qazaqstan oblysynyń kásipkerlik jáne týrızm basqarmasynyń basshysy Evgenıı Glotov aqparat berip ótti.

«PAMJZ» AQ 2016 jyly «Óskemen tıtan-magnıı kombınaty» AQ-men jylytqyshtardy jetkizý jóninde kelisim-shart jasaǵan bolatyn. 2016 jyly «Munaımash» AQ «ArbatVostokServıs» JShS úshin shaıqaý mashınalaryn shyǵardy. «Qazmunaıgazmash» AQ kelisim kompanııasy «Arm Saýda» JShS-men tıekti armatýra jetkizý boıynsha kelisim jasady», - dedi Evgenıı Glotov.  

Aýyl sharýashylyǵy salasynda, naqty aıtsaq, marketıng, brendteý, bal sharýashylyǵynyń daıyn ónimin ótkizý, kúnbaǵys dánin jetkizý boıynsha da yntymaqtastyq jasalǵan. Saýda salasyn damytýdyń da jaqsy múmkindikteri bar. Soltústik óńiriniń kásiporyndary Óskemen, Semeı saýda júıelerinde óz ónimderin ótkizedi. Budan bólek, SQO-da turaqtandyrý qoryn qurý maqsatynda kóterme saýdamen aınalysatyn kásiporyndar ShQO-nyń taýar óndirýshilerinen ósimdik maıyn satyp alýda.

Ekijaqty yntymaqtastyq taqyrybyn odan ári Shyǵys Qazaqstan oblysynyń kásipkerlik pen ındýstrııaldy-ınnovatsııalyq damý basqarmasynyń basshysynyń mindetin atqarýshy Maqsat Músápirbekov jalǵastyrdy. Óz baıandamasynda mekeme ókili ındýstrıaldy klasterge úlken nazar aýdardy.

«Shyǵys Qazaqstan oblysynyń óndiristik áleýeti zor, sondyqtan tek qana Qazaqstannyń óńirlerine ǵana emes TMD elderi men alys shet el naryǵyna shyǵýǵa múmkindik beredi. Turǵyndardyń ómir súrý deńgeıine áser etetin salalardyń eń mańyzdysy - óndiris salasy jáne ol JÓÓ-niń 29,6 %-yn, saýdanyń 14%-yn, aýyl sharýashylyǵynyń 9,6 %-yn quraıdy. Óndiris ónimin óndirý kólemi jyl saıyn artyp keledi. Sońǵy 10 jylda 2,5 esege artqan. 2015 jyly óndiris óniminiń kólemi qoldanystaǵy baǵa boıynsha 1 trıllıon 21 mıllıardty qurady. Fızıkalyq kólem ındeksi 92,6 paıyz. 2016 jyldyń qańtar-tamyz aılary boıynsha óndiristik ónim kólemi 927 mıllıard teńgeni qurady», - dep atap ótti Maqsat Músápirbekov.

Kezdesý barysynda sóz sóılegen «Petropavl traktor zaýyty» BK» JShS-nyń bas  dırektory Sergeı Shınkarenko qonaqtarǵa soltústikqazaqstandyq «Batyrdy» tanystyrdy.

«Búgingi tańda biz bul traktorlarǵa ekpe keshenin jasap jatyrmyz. Bul jumystardy qarasha aıynda aıaqtaımyz dep oılaımyn. Jyl sońyna deıin taǵy 10 traktor shyǵaramyz. Aldaǵy ýaqytta zaýyt jylyna 100 tehnıka jasaýy qajet. Biz óz ónimimizdi ShQO-ǵa tasymaldaýǵa ázirmiz. Qansha qajet bolsa, sonshasyn jetkizemiz. Elimizdiń agrarlyq óńiri retinde bizdi eń aldymen ónimniń sapasy, baǵasy men sapasynyń sáıkestigi, jóndeýge jaramdylyǵy, kez kelgen klımattyq ortada jumys isteý múmkinshiligi qyzyqtyrady. Atalǵan talaptyń barlyǵyna bizdiń «Batyr» saı», - dedi Sergeı Shınkarenko.

Mashına jasaý salasy boıynsha ózara tıimdi yntymaqtastyq jóninde «Daewoo Bus Kazakhstan» JShS dırektory Asemqan Dosqojanov aqparat berip ótti.

«Biz avtobýstardyń 5 modelin shyǵaramyz. Kásiporyn jylyna kem degende 1000 avtobýs shyǵarady. Bul kórsetkish biz Qazaqstandy túgeldeı baǵasy boıynsha qytaılyq, al sapasy boıynsha eýropalyq avtobýstarmen básekelese alatyn kólikpen qamtamasyz ete alamyz degendi aıǵaqtaıdy», - dedi Asemqan Dosqojanov.

Kezdesýdi qorytyndylaı kele Shyǵys Qazaqstan oblysynyń ákimi Danıal Ahmetov buqaralyq aqparat quraldary ókilderine bergen suhbatynda eń aldymen mashına jasaý salasynda yntymaqtasýǵa múddeli ekenin jetkizdi.

«Óńiraralyq yntymaqtastyqtyń alǵashqy qadamdary jasaldy, Óskemen tıtan-magnıı kombınaty PAMJZ-ǵa tapsyrys berdi. Endigi kezekte bul jumystardy ári qaraı jandandyrý qajet, Soltústik Qazaqstan oblysynyń tapsyrys qabyldaýy al, Shyǵys Qazaqstan úshin Soltústik Qazaqstan oblysynyń kooperatsııada jumys istegeni mańyzdy. Sondyqtan bul maqsatta oblystar bir-birin tabysty tolyqtyrady. Soltústik Qazaqstan oblysynda sapaly aýyl sharýashylyǵy mashınalary jasalatynyn bilemiz. Biz munnan fındik «SAMPO» kombaındaryn satyp alatyn bolamyz», - dedi Danıal Ahmetov.

Soltústik Qazaqstan oblysynyń ákimi Soltústik Qazaqstanda qýatty aýyl sharýashylyǵy klasterin qurý josparlanǵanyn atap ótti. Óńirde traktor, kombaınnan bólek, aldaǵy ýaqytta tuqym sebetin mashınalar da jasalmaq.

«Biz Shyǵys Qazaqstan oblysyna ósimdik maıyn óndirý úshin maıly daqyldardy tasymaldaý múmkindigin qarastyrýdamyz. Shıkizatty tasymaldaý arqyly daıyn ónimdi alsaq deımiz. Aýyl sharýashylyǵy salasynda da irgerileýlik bar. Biz osy jyly bes júz bas iri qara mal sattyq. Bul baǵytta eki óńirdiń de tabysty damýy úshin qolda bar qor jetkilikti. Bul jumystardyń barlyǵy Elbasy N.Á.Nazarbaevtyń tapsyrmasy boıynsha júzege asyrylýda. Bul baǵyttaǵy jumystar aldaǵy ýaqytta da jalǵasatyn bolady», - dep atap ótti Erik Sultanov.

Kezdesýden soń qonaqtar Soltústik Qazaqstan oblysynyń kásiporyndarymen tanysty. Birinshi nysan «Sútónimi» JShS boldy. Munda pasterlengen súttiń 25 túri óndiriledi.

Sodan soń delegattar toby «RımQazAgro» JShS-na bardy. Jyldam ázirlenetin taǵam óndirisinde kartop botqasy men jyldam daıarlanatyn sorpanyń birneshe túri shyǵarylady.

Sondaı-aq shyǵysqazaqstandyqtar óńirdiń iri zaýytynyń biri «PAMJZ» AQ-da boldy. Munda ekijaqty yntymaqtastyq týraly tolyq talyqlaýlar ótti. Shyǵys Qazaqstan oblysynyń delegattar toby jabyq hokkeı kortymen de tanysty.

«Kelisim men jasampazdyqtyń 25 jyly» uranymen ótkizilip jatqan Soltústik Qazaqstan oblysyndaǵy Shyǵys Qazaqstan oblysy kúnderi baǵdarlamasy aıasynda kelýshiler arheologııalyq artefakt eskpozıtsııasyn, «Shyǵys Qazaqstan sýretshileri. Ýaqyt portretine shtrıhtar» kartınasyn, sondaı-aq fotokórmeni  tamashalady.

Shyǵys Qazaqstan oblysynyń Soltústik Qazaqstandaǵy kúnderi aıasyndaǵy kezdesý Shyǵys Qazaqstan oblysynyń  shyǵarmashylyq ujymy uıymdastyrǵan «Altyn Altaı» gala-kontsertimen aıaqtaldy. Kontserttik baǵdarlamada bal jáne halyq bıi men klassıka, djaz janrynda oryndalǵan ánder kórermenniń ystyq yqylasyna bólendi.