Erik Sultanov oblys ortalyǵyndaǵy qurylys nysandaryna bardy
ASTANA. QazAqparat - Soltústik Qazaqstan oblysynyń ákimi Erik Sultanov jumys sapary barysynda Petropavl qalasynyń qurylys nysandaryna baryp, provaslavıelik hrıstıandardyń merekesi qarsańynda sý toǵandaryndaǵy shomylý rásimi kezinde qaýipsizdik sharalarynyń daıyndyǵyn tekserdi.
Eń aldymen óńir basshysy temirjol vokzaly ǵımaratyn qaıta jańǵyrtý jumystarymen tanysty, dep habarlaıdy ákimdiktiń baspasóz qyzmetinen. Merdiger «Merkýrıı» JShS-niń dırektory Albert Nasyrovtyń aıtýynsha, nysandaǵy qurylys jumystarynyń 70 %-y oryndalǵan.
«Qurylystyń birinshi kezeńi - qaıta qurý, batys jáne shyǵys bólikteriniń shatyryn montajdaý jumystary. Biz mansardanyń shatyrynyń qurylysyna kóshtik. Sondaı-aq, tsehta ortalyq shatyr úshin temir qurylymdar jasalyp jatyr. Eskız boıynsha shatyr kúmbezdi bolady. Barlyq qurylys jumystaryn sáýir aıynyń sońyna deıin aıaqtaýdy josparlap otyrmyz», - dedi Albert Nasyrov.
Oblys ákimi qaıta jańǵyrtý jumystarynan soń, qandaı túrde bolatynyn surap bildi. Erik Sultanov jobanyń eskızi kórsetildi. Sondaı-aq, óńir basshysy temirjol vokzaly ǵımaratynyń jabdyqtalýyn tekserdi.
Keıin óńir basshysy 1904-1905 jyldary salynǵan «Kópes Mýradovtyń dıirmeni» eskertkish-ǵımaratyna bardy. Jańǵyrtý kezindegi menshik ıesi men mamandardyń mindeti - dıirmenniń alǵashqy kórinisin qaıtarý. Joba boıynsha ǵımarattyń ishi de, syrty da 20 ǵasyrdyń arhıtektýralyq qurylysy retinde kórinedi. Ǵımarat ishinde saýda oryndary, jergilikti sýretshilerdiń galereıasyn ashý josparlanǵan.
Sondaı-aq, provaslavıelik hrıstıandardyń merekesi qarsańynda oblys ákimi halyqtyń qalalyq jaǵajaıdaǵy jappaı sýǵa túsýge arnalǵan daıyndyǵymen tanysty.
Óńir basshysy Jýkov pen ıÝbıleınaıa kósheleri qıylysynda ornalasqan meshittiń qurylysymen tanysty. Qurylystyń tapsyrys berýshisi «AQNIET» qaıyrymdylyq qory, merdiger kompanııasy «Petrostroı-Lıýks» bolyp otyr. Meshit 500 orynǵa shaqtalǵan, nysandy ústimizdegi jyldyń jeltoqsan aıynda tapsyrý josparlanyp otyr.
Jumys sapary barysynda Erik Sultanov ıA.Gashek kóshesindegi bos turǵan jataqhanaǵa bardy. SQO IID bastyǵynyń orynbasary Dýman Taevtyń aıtýynsha, jataqhana 6637 áskerı bóliminiń teńgeriminde ekenin aıtty, qazirgi kezde bul nysandy IID teńgerimne berýge ótinishhat jiberildi.
«Jobalyq-smetalyq qujattamany daıyndańyzdar. Biz munda IID qyzmetkerlerine arnalǵan jataqhana jasaımyz. Barlyǵyn ústimizdegi jyly aıaqtaý qajet», - dedi óńir basshysy.
Jumys saparynyń sońynda óńir basshysy Bereke yqsham aýdanynda salynyp jatqan pravoslavıelik Sevastıano-Magdalınınskıı ǵıbadathanasynyń qurysymen tanysty. Ǵımarat 300 adamǵa shaqtalǵan. Nysannyń syrtqy jumystary aıaqtalýǵa jaqyn, al ǵımarattyń ishki bólimderi boıynsha aýqymdy jumys kútilip tur, sondaı-aq, kommýnıkatsııalardy ótkizý qajet.
Nysandy «Zertteý SK» merdiger kompanııasy ústimizdegi jyly tapsyrýdy josparlap otyr.
