Erik Sultanov ardagerlerdi quttyqtady
PETROPAVL. QazAqparat - Qarttar kúni merekesiniń qarsańynda Soltústik Qazaqstan oblysynyń ákimi Erik Sultanov soǵys ardagerleri Sultan Muhamedjanov pen Georgıı Gerasımovtyń úıinde bolyp qaıtty, dep habarlaıdy QazAqparat tilshisi.
Óńir basshysy ardagerlerdi kele jatqan merekelerimen quttyqtap, qundy syılyqtar tabys etti. Qarttarmen bolǵan áńgime barysynda oblys basshysy aımaqta bolyp jatqan ózgerister men atqarylyp jatqan jumystar týraly baıandady. Ardagerler bolsa óńirde bolyp jatqan isterdiń barlyǵyn qadaǵalap otyrǵandyqtaryn aıtyp, ózderine kóńil bólingenderi úshin rızashylyqtaryn bildirdi.
«Sizder eldiń bolashaǵy úshin kóp eńbek ettińizder. Sizder alyp bergen jeńistiń arqasynda biz búgin táýelsiz memlekette ómir súrip jatyrmyz», - dedi Erik Sultanov.
