Erik Sultanov ákimdik qyzmetkerlermen birge shańǵy tepti
PETROPAVL. QazAqparat - «Uly dala eli - táýelsizdiktiń 25 tiregi» 25 juldyzdy kún jalpyulttyq aktsııasy aıasynda Bórki aýylynda shańǵy marafony ótti, dep habarlaıdy «QazAqparat» tilshisi SQO ákiminiń baspasóz qyzmetine silteme jasap.
Marafon qatysýshylarymen birge Soltústik Qazaqstan oblysynyń ákimi Erik Sultanov ta shańǵy tepti.
Sporttyq is-sharanyń saltanatty ashylýyn jarııalaı otyryp, óńir basshysy soltústikqazaqstandyqtardyń elimizdegi salaýatty ómir saltyn ustanatyndar kóshin bastap kele jatqanyn tilge tıek etti. Oblystyń 29,6% turǵyny sportpen shuǵyldanady.
«Táýelsizdik alǵan jyldary Soltústik Qazaqstan oblysynda 2700-den astap sporttyq mekemeler salynǵan. Bul jumysty biz ary qaraı jalǵastyramyz. Sońǵy eki jyldyń ishinde 192 hokkeı jáne 250 fýtbol alańdaryn salsaq, sonyń 46-sy jasandy jolmen jabylǵan», - dedi Erik Sultanov. Іs-shara qatysýshylaryn QR Prezıdenti kópsaıysynyń birneshe dúrkin chempıony Aleksandr Naýmov quttyqtady. 
