Erhat Esqalıev Ksenııa Sobchakpen túsken sýretine qatysty túsinikteme berdi
NUR-SULTAN. QazAqparat – «SK-Farmatsııa» JShS-nyń basqarma tóraǵasy Erhat Esqalıev Ksenııa Sobchakpen birge túsken sýretine qatysty pikir bildirdi, dep habarlaıdy QazAqparat tilshisi.
Ortalyq kommýnıkatsııalar qyzmetinde ótip jatqan baspasóz máslıhaty barysynda BAQ ókilderi odan Instagram paraqshasynda jarııalanǵan Ksenııa Sobchakpen bir túsken sýretine qatysty saýal qoıǵan edi.
«Shyndyǵyna kelgende ol sýret 7 jyl buryn túsirilgen. Ol kezde meniń salmaǵym shamamen 135 keli bolatyn. Al qazir 105 kelimin. Ótkeni jyly ókpeme kúrdeli ota jasattym. Sýret karantınde, úıde otyrǵan kezde jarııalanǵan bolatyn. Sýret sharalardyń birinde túsirilgen. Bul jerde tanymal adammen sýretke túsip qalsam degen oı ǵana boldy. Basqa eshqandaı nıet joq», - dep jaýap berdi ol.
Foto: ortcom.kz
