Erigen qar sýynyń saldarynan eki oblysta jol jabyldy

ASTANA. KAZINFORM —  QazAvtoJol erigen qar sýynyń saldarynan eki oblysta jol jabylǵanyn málimdedi.

Derekke qaraǵanda, 21 naýryz kúni saǵat 8:00-degi jaǵdaı boıynsha erigen qar sýynyń saldarynan 2 oblystaǵy 2 respýblıkalyq mańyzy bar avtomobıl joldarynda kólik qozǵalysyna shekteý qoıyldy.

Aqtóbe oblysy:

- «Qandyaǵash - Embi - Shalqar - Yrǵyz» avtojolynyń 3-92 shaqyrymdarynyń aralyǵy (Qandyaǵash qalasy - Embi qalasy).

Qostanaı oblysy:

- «Marınovka aýylyna kireberis» avtojolynyń 9 shaqyrymy.

- Barlyq ýchaskelerde aınalma joldar qarastyrylǵan. Qazirgi tańda respýblıkalyq joldardy kútip-ustaýǵa 104 arnaıy tehnıka men 142 maman jumyldyryldy, - delingen aqparatta.

Aıta keteıik, Sileti ózeninde muz jarý jumystary júrgizildi.