Erǵalı Skendırov Mańǵystaý aýdanynyń ákimi bolyp taǵaıyndaldy
AQTAÝ. KAZINFORM – Erǵalı Skendırov Mańǵystaý oblysy Mańǵystaý aýdanynyń ákimi bolyp taǵaıyndaldy.
QR Prezıdenti Ákimshiliginiń kelisimi boıynsha oblys ákimi Nurdáýlet Qılybaıdyń ókimimen Erǵalı Skendırov aýdan ákimi laýazymyna taǵaıyndaldy.
Erǵalı Sısenǵalıuly 1983 jyly Mańǵystaý oblysy Mańǵystaý aýdanynyń Shetpe aýylynda dúnıege kelgen. 2006 jyly «Turan-Astana» ýnıversıtetin «Quqyqtaný» mamandyǵy boıynsha támamdaǵan.
Eńbek jolyn 2007 jyly «Rezerv» memlekettik respýblıkalyq kásipornynyń «Avtomatıka» fılıalynda óndiristik-paıdalaný bóliminiń bastyǵy qyzmetinen bastaǵan.
Ár jyldary «Nur Otan» partııasynyń Mańǵystaý oblystyq fılıalynda zańger-keńesshi, partııalyq baqylaý jónindegi ınspektor, Ómirzaq aýyly ákiminiń orynbasary, Aqtaý qalalyq turǵyn úı-kommýnaldyq sharýashylyǵy bóliminiń basshysy qyzmetterin atqarǵan.
Sondaı-aq «BozashyTransQurylys» JShS-de áleýmettik máseleler boıynsha maman, Aqtaý qalalyq saılaý komıssııasynyń tóraǵasy, Mańǵystaý oblysynyń ındýstrıaldyq-ınnovatsııalyq damý basqarmasynda bas maman bolyp jumys istedi.
2025 jylǵy shildeden bastap osy ýaqytqa deıin Aqtaý qalasy ákiminiń orynbasary qyzmetin atqaryp keldi.
Buǵan deıin Mańǵystaýda Túpqaraǵan aýdanyna ákimi taǵaıyndalǵan bolatyn.
