Erǵalı Egemberdi QR Parlamenti Májilisi Apparatynyń basshysy bolyp bekitildi
ASTANA. 27 qańtar. QazAqparat - Búgin QR Parlamenti Májilisiniń Tóraǵasy Nurlan Nyǵmatýlınniń jetekshiligimen kezekti Bıýro otyrysy ótti.
Onda aldaǵy aptada Májilistiń jalpy otyrysyna shyǵarylatyn máseleler sarapqa salynyp, kún tártibi qalyptastyryldy.
Bıýro otyrysynda Erǵalı Egemberdi palata Apparatynyń basshysy bolyp bekitildi.
N.Nyǵmatýlın palata Apparatynyń qyzmetin jetildirýdi usyndy. Ol óz sózinde Apparat Májilistiń uıymdastyrý, quqyqtyq, aqparattyq-taldaý qyzmetin qamtamasyz etýi qajet ekenin atap ótti. Tek qana uıymdastyrý ǵana emes, sapalyq jaǵynan da ózgerýi kerek. Apparat kóppartııaly Parlamenttiń qyzmetin júzege asyrýǵa jan-jaqty daıyn bolýy tıis.
Osy kúni palata Tóraǵasy Nurlan Nyǵmatýlın Májilis Apparatynyń qyzmetkerlerimen kezdesip, jańa Apparat jetekshisin jáne onyń orynbasarlaryn tanystyrdy. Palata Bıýrosynyń sheshimimen Apparat Basshysynyń orynbasarlary bolyp Álııa Qadyrbaeva, Jasulan Júginisov jáne Janar Bekbanova bekitildi.
Májilis Tóraǵasy Apparat jumysynyń jańa standarttary men fýnktsıonaldyq tetikterin aıqyndaý jóninde usynysyn aıtty. Sonyń arqasynda depýtattyq korpýstyń ǵana emes, Apparattyń ishinde de básekege qabilettilik arta túsedi.
Kezdesýdi qorytyndylaı kele, Májilis Tóraǵasy bes jyl boıy palata organy jumysyn irkilissiz júrgizýge jetekshilik etip kelgen Apparattyń burynǵy basshysy Ergen Doshaevqa shynaıy rızashylyǵyn bildirdi jáne «Nur Otan» partııasynyń joǵary marapaty «Belsendi eńbegi úshin» medalin tabys etti. Aıta ketý kerek, E. Doshaev Parlamenttiń besinshi shaqyrylymynyń depýtaty, jýyrda «Nur Otan» HDP-nyń Májilistegi fraktsııasy jetekshisiniń birinshi orynbasary bolyp saılandy.
