ERG kenshileri: Referendým – el taǵdyryn aıqyndaıtyn sheshim
ASTANA. KAZINFORM — Jańa Konstıtýtsııa eńbek jaǵdaılary men jumys berýshi arasyndaǵy ádildikti nyǵaıtyp, memlekettiń jumys oryndary sapasyn arttyrýǵa baǵyttalǵan saıasatynyń negizin qalyptastyrady. Bul pikirdi eldegi iri kompanııalardyń biri – ERG quramyna kiretin «Shubarkól kómir» AQ jáne «Vostochnyı» razreziniń kenshileri málimdedi. Olar otandastarymyzdy referendýmǵa qatysýǵa shaqyrdy.
— Jańa Konstıtýtsııada adam, onyń ómiri men qadir-qasıeti — memlekettiń eń joǵary qundylyǵy ekeni naqty bekitiligen. Bul biz úshin qarapaıym ári túsinikti qaǵıdalar: eńbek qaýipsizdigi — formaldy is emes, myzǵymas mindet, jumysshy quqyǵyn qorǵaý– ótinish emes, zań, — deıdi ERG Kómir dıvızıonynyń kenshileri.
«Shubarkól kómir» AQ men «Vostochnyı» razrezi — elimizdegi energetıkalyq kómir óndiretin eń iri kásiporyndar qatarynda. Olar Qazaqstan ekonomıkasyna eleýli úles qosyp kele jatqan ónerkásip nysandary.
— Búgin el jańa Konstıtýtsııany qabyldaý sekildi mańyzdy sheshimniń aldynda tur. Eńbek ujymy úshin bul jaı ǵana qujat emes: bul — ómir men damýdyń negizi, quqyq pen bostandyqtyń kepili. Konstıtýtsııada adam, onyń ómiri men qadir-qasıeti memlekettiń eń joǵary qundylyǵy ekeni naqty kórsetilgen, — dep atap ótti ERG Kómir dıvızıonynyń operatsııalyq dırektory Sergeı Kım.
Kenshiler kásiporyn tabysy tájirıbe men jastyq jigerdiń, berik dástúr men óndiristegi zamanaýı tásilderdiń úılesimine negizdelgenin atap ótti. Eńbek qaýipsizdiginiń joǵary standarttary, qyzmetkerlerdiń biliktiligi jáne tehnologııalardy turaqty damytý — jumystyń negizgi baǵyttary bolyp qala bermek.
Elimizdiń bolashaǵy ózimiz qabyldaǵan sheshimderge baılanysty. Referendýmǵa qatysý — osy taǵdyrsheshti isten shet qalmaı, óz bolashaǵyńdy tańdaýǵa atsalysý degen sóz.
«Shubarkól kómir» AQ jáne «Vostochnyı» razreziniń kenshileri referendýmǵa belsendi qatysyp, durys tańdaý jasaýǵa shaqyrdy.
Aıta keteıik, «Qazhrom» TUK» AQ qyzmetkerleri de qazaqstandyqtardy referendýmǵa qatysýǵa shaqyrǵan edi.