ERG dırektorlar keńesiniń quramy ózgerdi
ASTANA. KAZINFORM – Eurasian Resources Group S.à r.l. (ERG) jahandyq qaterler men qubylmaly naryqtarda kompanııany odan ary nyǵaıtyp, damytý qamynda dırektorlar keńesiniń quramyna ózgerister engizgenin habarlaıdy.
Dırektorlar keńesiniń jańarǵan quramynda, Shýhrat Ibragımov, keńes quramyna 2021 jyly enip, dırektorlar keńesiniń tóraǵasy bolyp saılanǵan.
Sabır Shodıev bul qyzmette Patoh Shodıevti almastyrdy. Edýard Sýrlevıch bul qyzmette Aleksandr Mashkevıchti almastyrdy.
Keńestegi Qazaqstan Respýblıkasy Úkimetiniń ókilderi – Qazaqstan Respýblıkasy Premer-Mınıstriniń orynbasary Serik Jumanǵarın men Qarjy mınıstri Mádı Takıevter dırektorlar keńesininiń múshesi qyzmetin atqara beredi.
Buǵan deıin dırektorlar keńesine múshe bolǵan Toptyń negizin qalaýshy-aktsıonerleri Aleksandr Mashkevıch pen Patoh Shodıev, Alıdjan Ibragımov kompanııanyń damýyna ólsheýsiz úles qosty.
2014 jyly qolǵa alynǵan bıznesti aýqymdy transformatsııalaý baǵdarlamasynyń nátıjesinde ERG salalyq standarttardy qalyptastyratyn álemdik kóshbasshylardyń birine aınaldy. Kompanııa kásiporyndary ornalasqan elderde ondaǵan myń jumys oryndaryn ashyp, jergilikti qaýymdastyqtardyń ómir sapasyn arttyrýǵa baǵyttalǵan áleýmettik jobalardy iske asyryp keledi.
Jańarǵan dırektorlar keńesiniń quramyna engen menedjerler kompanııanyń ishki protsesterine burynnan etene aralasyp, salada mol tájirıbe jınaqtaǵan. Búginde top aktsıonerlerimen birlesip, ERG-diń strategııalyq maqsattaryn iske asyrý men mindetterin atqarýǵa septesip keldi. Olardyń joǵary kásibı biliktiligi men korporatıvtik qundylyqtarǵa adaldyǵy kompanııadaǵy birizdilikti saqtap, tabıǵı býyn almasý protsesin qamtamasyz etedi.
