Erejesiz jekpe-jekten Qazaqstan chempıonyn kólik qaǵyp ketti
QOSTANAI. QazAqparat - Búgin Qostanaıda 15 jasar mektep oqýshysy Vladımır Belenıkındi kólik soǵyp ketti, dep habarlaıdy QazAqparat.
Jábirlenýshiniń ákesi Aleksandr Belenıkınniń sózinshe, uly qazir dárigerlerdiń baqylaýynda.
«Ol tańerteń 08:30 shamasynda sabaqqa bet aldy. Baǵdarshamnyń «jasyl» belgisi janyp, joldan ótpek bolǵanda balamdy kólik qaqty. Munymen qosa kólik júrgizýshisi oqıǵa bolǵan jerden qashyp ketken. Tasjol ústinde jatqan Vladımırdi kýágerler aýrýhanaǵa jetkizip, ulymnyń ótinishimen maǵan habar berdi. Qazir onyń jaǵdaıy birqalypty. Súıekteri birneshe jerden synǵan, mıy shaıqalǵan. Ol ózi soqqan kóliktiń jasyl tústi ekeninin ǵana biledi. Kináli adamdy tapqymyz keledi», - dedi Aleksandr Belenkın.
Aıta keteıik, jábirlenýshi Vladımır Belenıkın pankratıonmen kásibı túrde shuǵyldanady. Erejesiz jekpe-jekten Qazaqstan chempıony degen ataǵy bar.
Oblystyq ІІD bul jaıtqa qatysty málimdeme jasaǵan joq.
