Erejesiz jekpe-jek sheberi Ardaq Nazarov Syr elinde jastarmen kezdesti
QYZYLORDA. QazAqparat-Kóptegen jastarǵa úlgi bolǵan erejesiz jekpe-jekten álemniń úsh dúrkin chempıony, jáne álem kýbogynyń ıegeri, Eýrazııanyń eki márte chempıony, Azııa chempıony Ardaq Nazarov Syr elinde boldy, dep habarlaıdy QazAqparat.
Alǵashqy kúni oblystyq Jastar resýrstyq ortalyǵynyń sport alańynda bolyp, sportsúıer jasóspirimder men jastarǵa arnap sheberlik sabaǵyn júrgizdi.
Kelesi kúni Dostyq úıinde jastarmen kezdesip, ómirlik jolynan syr shertip, qatysýshylarǵa úlgi-ónege bolarlyqtaı áńgimelerin jetkizdi.
Kezdesýdiń negizgi maqsaty - sportqa qyzyǵýshylyǵy bar jastarǵa qoldaý kórsetý, salamatty ómir saltyn dáripteý, jastardyń sportqa degen qulshynysyn arttyrý arqyly jeke tulǵany qalyptastyrý, jastardyń boıynda patrıottyq sezimniń qalyptasýyna yqpal etý boldy. Jastar bolsa, tanymal sportshyǵa kókeılerindegi saýaldaryn qoıyp, jaýap aldy. A.Nazarovtan estelik syılyqtar alǵan jastar rızashylyqpen tarqasty.
Odan keıin Syr samaly jaǵalaýynda ótken «Krossfıt» sporttyq saıystaryna qonaq retinde qatysyp, qatysýshylarǵa sáttilik tiledi.
