Erejepovter januıasy týǵan jerine Elbasy syılaǵan avtokólikpen oraldy - Jambyl oblysy
ASTANA. QazAqparat - Qazaqstannyń ár óńirinde «Mereıli otbasy» baıqaýynyń júldegerleri elge oralyp, alǵan áserleri men kóterińki kóńil-kúılerin jetkizýde. Aqtyq synǵa ótkenderdiń biri Erejepovter otbasy Taraz qalasyna Elbasynyń ózi syılaǵan otandyq avtokólikpen keldi, dep jazady 24.kz.
Qalaǵa kireberiste oza shaýyp, olja salǵandardy áýlettiń týystary men jankúıerleri qarsy aldy.
Jambyl oblysynda óńirge syıly órt sóndirýshiler otbasynyń jalpy eńbek ótili jarty ǵasyrdan asady. Ot pen sýdan qaımyqpaǵan otaǵasy Tolybaıdyń jolyn tula boıy tuńǵyshy Іlııas jalǵastyrsa, ortanshysy Eljan áskerı qyzmette. Al ozat oqıtyn sút kenjesi Janbolat - kadet mektebiniń maqtanyshy.
«Kóptegen januıalardy kórdik. Olardyń árqaısysy birinshi orynǵa laıyq dep esepteldi. Sondyqtan Elbasymyz bóle jarmaı, árkimge óziniń avtokólikterin syılap jatyr. Úlken alǵysymyzdy bildiremiz», - deıdi áke jolyn jalǵastyrǵan órt sóndirýshi Іlııas Erejepov.
