Ereje buzǵan elorda turǵyndarynan 48 qarý alyndy
ASTANA. QazAqparat - Aǵymdaǵy jyldyń 27-30 naýryzy aralyǵynda elorda aýmaǵynda «Qarý-2018» jedel-profılaktıkalyq is-sharasy ótkizildi, dep habarlaıdy Astana qalasynyń ІІD baspasóz qyzmeti.
Іs-sharany ótkizý barysynda zańsyz saqtalǵan qarý-jaraqty, oq-dárilerdi erikti túrde tapsyrý boıynsha halyq arasynda túsindirý jumystaryn júrgizýge erekshe kóńil bólindi. Sonyń nátıjesinde 47 tirkelgen qarý erikti túrde tapsyryldy,
Astana qalasy ІІD polıtsııa qyzmetkerleri azamattyq jáne qyzmettik qarýdy saqtaýmen, alyp júrýmen jáne qaıta tirkeýmen baılanysty quqyq buzýshylyqtardyń aldyn alýǵa erekshe kóńil bólýde.
Azamattyq qarýdyń 543 ıesi tekserildi. Tekseris nátıjesi boıynsha qarýdy saqtaý jáne qaıta tirkeý merzimin buzǵan 34 adam anyqtaldy jáne ákimshilik jaýapkershilikke tartyldy.
Qarýdy saqtaý, alyp júrý, satyp alý erejesin buzǵany úshin 48 tirkelgen qarý alyndy.
