Ereımentaýdaǵy qaıyrymdylyq balynda 900 myń teńge qarjy jınaldy

KÓKShETAÝ. QazAqparat - Aqmola oblysynyń Ereımentaý aýdanynda ótken qaıyrymdylyq balynan 900 myń teńgege jýyq qarjy jınaldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

«Bala armany» qaıyrymdylyq balyn «Aqmola oblysynyń isker áıelderi qaýymdastyǵy» qoǵamdyq birlestigi men Ereımentaý aýdany ákimdigi birlesip uıymdastyrdy. Sharanyń maqsaty - naýqas balalarǵa kómek retinde qarjy jınaý.

«Bul ıgi iske aýdandaǵy jeke kásipkerler men qolóner sheberleri qatysty. Olardyń teńdessiz qolóner týyndylary saýdaǵa shyǵaryldy. Sonymen qatar, sharaǵa jınalǵandar aýdandyq mádenıet úıiniń ártisteri men balalar mýzyka mektebiniń tárbıelenýshileri ónerlerin tamashalady.

Saýda qorytyndysy boıynsha, jalpy 900 myń teńgege jýyq qarjy jınaldy. Sol jerde, onlaın rejımde Túrkııada ota jasaý qajet bala Islam Hasenovtyń anasyna Ystambulǵa baryp, qaıtatyn ushaqqa bılet satyp áperildi jáne ózge de shyǵyndary úshin qarjy berildi.

Sonymen qatar, jınalǵan qarjynyń bir bóligi Anjela Zemlıanoıdyń otbasyna páter jaldaý, kómir jáne azyq-túlik satyp áperýge jumsalsa, qalǵany kishkentaı Alınýr Habıbýllındi saýyqtyrýǵa baǵyttalady», dep aıtty vedomstvodan.

Qaıyrymdylyq baly joǵary deńgeıde ótti. Balda «Aqmola oblysynyń isker áılderi qaýymdastyǵy» qoǵamdyq birlestiginiń qyzmetkerleri tarapynan da materıaldyq kómek kórsetilgenin aıta ketken abzal.