Ereımentaýda kásipkerdi óltirgen anasy men qyzy sottaldy
KÓKShETAÝ. QazAqparat - Aqmola oblysynyń Ereımentaý aýdanynda kəsipker əıeldi aıýandyqpen óltirip, 3 mln teńgeden astam aqshasyn alyp ketkender sottaldy. Bul týraly QazAqparat tilshisi oblystyq sottyń baspasóz qyzmetine silteme jasap habarlaıdy.
Sottyń málimetinshe, qandy oqıǵa 2018 jyldyń 20-21 qańtarynda Ereımentaý qalasynda bolǵan. 1960 jəne 1984 jylǵy sottalýshylar jergilikti kəsipker əıeldiń úıine baryp, oǵan aldymen betine sirke sýyn shashyp, keıin keýde jəne ish tusynan birneshe ret pyshaq suǵyp alǵan. Artynsha es-túsiz jatqan áıeldiń basynan balǵamen uryp, úıde saqtaýly turǵan 3 144 000 teńge aqshasyn jymqyryp ketken.
Úıinde es-tússiz, qańsyrap jatqan kəsipker əıeldi týystary kórip, kómek shaqyrǵan. Áıel aýrýhanaǵa apara jatqan jolda jedel járdem qyzmeti kóliginde es jımastan kóz jumady.
Keıin kúdiktiler ustalyp, qylmystaryn moıyndaıdy. Tergeý amaldary kezinde kúdiktilerdiń urlanǵan aqshanyń biraz bóligin jumsaǵany da anyqtalady.
«Sot is materıaldaryn saralap, kúdiktilerdiń qaraqshylyq qylmysqa aldyn ala daıyndalǵanyn jəne jasaǵan qylmystyń aýyrlyǵyn eskere kele, 1984 jylǵy G.-ǵa 18 jyl, al, onyń anasy D.-ǵa 16 jyl bas bostandyǵynan aıyrý jazasyn taǵaıyndady. Oǵan qosa, zardap shekken tarapqa 2 mıllıon teńge kóleminde moraldyq shyǵyndy óteýdi mindettedi», - dedi sottan.
Sot úkimi zańdy kúshine engen joq.
