Ereımentaýda dzıýdodan respýblıkalyq týrnırdiń ashylý saltanaty ótti
ASTANA. KAZINFORM – 2026 jyldyń 1–4 mamyr aralyǵynda Aqmola oblysynyń Ereımentaý qalasynda dzıýdodan 15-shi dástúrli respýblıkalyq týrnır ótip jatyr.
Atalǵan jarys Ereımentaý balalar-jasóspirimder sport mektebiniń bapkerlerin eske alýǵa arnalǵan.
Týrnırge elimizdiń ár óńirinen kelgen sportshylar qatysýda. Atap aıtqanda, Qaraǵandy, Qostanaı, Pavlodar, Aqmola, Aqtóbe, Abaı, Atyraý, Túrkistan jáne Batys Qazaqstan oblystary, sondaı-aq Astana jáne Shymkent qalalarynyń balýandary baq synaýda. Sonymen qatar jarysqa Reseı, Mońǵolııa jáne Qyrǵyzstan memleketterinen kelgen sportshylar da qatysyp jatyr. Jalpy qatysýshylar sany 500-ge jýyq sportshyny quraıdy.
Jarystyń ashylý saltanatynda Qazaqstan Respýblıkasy Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy Rýslan Baqyttyuly Esenalın quttyqtaý sóz sóılep, týrnırdiń mańyzdylyǵyna toqtaldy.
Ol óz sózinde bul týrnırdiń tek sporttyq doda ǵana emes, sonymen qatar jastardy tárbıeleýge zor úles qosqan bapkerlerdiń eńbegine kórsetilgen qurmet ekenin atap ótti. Sonymen birge, mundaı jarystardyń sportshylar arasynda tájirıbe almasýǵa jáne dostyq qarym-qatynasty nyǵaıtýǵa yqpal etetinin jetkizdi.
Aıta ketelik Hokkeıden ÁCh: Qazaqstan quramasy búgin Japonııamen oınaıdy.
