Ereımentaýda 3 myńnan astam turǵynǵa qoqys úshin negizsiz aqy eseptelgen
ASTANA. KAZINFORM — Aqmola oblysy Ereımentaý qalasynda 3 013 turǵynǵa qoqys shyǵarý úshin negizsiz aqy eseptelgen.
Prokýratýra aralasqannan keıin 1,1 mln teńgeniń negizsiz esepteýi alynyp tastalyp, turǵyndarǵa 60 251 teńge qaıtaryldy.
Tekserý barysynda Repoint JShS Kaspi.kz qoldanbasy arqyly jeke úılerde turatyn, qoqys konteınerleri joq jáne turmystyq qaldyqtardy ózderi shyǵaratyn turǵyndarǵa aqy tóleý týraly negizsiz shottar usynǵany anyqtaldy.
Aýdan prokýratýrasynyń qadaǵalaý aktisinen keıin zańsyz esepteýler alynyp tastalyp, turǵyndardyń quqyǵy qorǵaldy.
Eske salaıyq, buǵan deıin Pavlodar turǵyny ákimdikti sotqa berip, saıajaıda úı turǵyzýǵa ruqsat alǵanyn jazǵan edik.
