Ereımentaý aýdanynda qar qursaýynda qalǵan adamdar qutqarý arqanymen evakýatsııalandy
NUR-SULTAN. QazAqparat – Aqmola oblysynyń Ereımentaý aýdanynda qar qursaýynda qalǵan kólik jolaýshylary qutqaryldy, dep habarlaıdy QazAqparat.
Ereımentaý qalasynan 10 km qashyqtyqtaǵy «Ereımentaý-Torǵaı» tasjolynda qar qursaýynda qalǵan jeti avtokóliktiń 20 jolaýshysy qutqaryldy. Kóriný nashar bolǵandyqtan, qutqarýshylar arqan jiberip, adamdardy atqarýshy organdardyń evakýatsııaǵa arnalǵan órt sóndirý kóligi men arnaıy tehnıkasyna qaraı tartyp aldy.
Qutqarylǵan azamattardyń barlyǵy Ereımentaý qalalyq jylytý pýnktine jetkizildi, medıtsınalyq kómek qajet bolmady.
