Ereımentaý aýdany 90 jyldyǵyn atap ótti
KÓKShETAÝ. QazAqparat - Aqmola oblysynda Ereımentaý aýdanynyń 90 jyldyǵy atalyp ótti, dep habarlaıdy QazAqparat tilshisi.
Sharada Aqmola oblysynyń ákimi Málik Myrzalınniń quttyqtaýyn jetkizgen óńir basshysynyń orynbasary Aına Mysyrəlimova aýdannyń áleýmettik-ekonomıkalyq damý barysyndaǵy jetistikteri el abyroıyn kóterýge septesip jatqandyǵyn atap ótti.
«Tarıhı tereńde jatqan Ereımentaý jeri talaı uly tulǵalardyń týǵan mekeni. Abylaı hannyń serigi Bógenbaı batyr men Úmbeteı jyraýdyń qonys tepken jeri. Búgingi tańda Ereımentaý jelden elektr kózin alýda elimizde kósh bastap tur. Osydan 3 jyl buryn paıdalanýǵa berilgen jel elektr stansasy elimizde jasyl ekonomıkanyń damýyna serpin berýde", - deı kele Aına Mysyrəlimova óńirdiń əleýmettik-ekonomıkalyq damýyna eleýli úles qosqan aýdannyń bir top turǵynyna oblys ákiminiń Alǵys hatyn marapattady.
Sonymen qatar, aýdan ákimi Vıktor Radchenkoǵa 2019 jyly ashý josparlanyp otyrǵan jańa murajaıdyń qurylysy úshin 100 mıllıon teńgeniń sertıfıkatyn tapsyrdy.
Mereıtoılyq shara «Kózime bir kórinshi, Ereımentaý...» taqyrybymen ótken aqyndar aıtysy, ulttyq sport túrleri jəne Maltabar aýylynyń mańyndaǵy atshabarda at sporty oıyndaryna ulasty.
