Ereımentaý aýdanynda polıtsııa qyzmetkerleri qylmysty ashqannyń ornyna, jasyryp kelgen

ASTANA. KAZINFORM – Ereımentaý aýdanynyń prokýratýrasy qylmysty ashqannyń ornyna, kerisinshe tirkemeı, ony jasyrǵanyn anyqtady. Bul týraly Aqmola oblysy prokýratýrasy málim etti. 

Atap aıtqanda, jeke kásipkerdiń dúkeninen taýarly-materıaldyq qundylyqtardy urlaý faktisi boıynsha polıtsııaǵa habarlasyp, aryz túsirgen, alaıda polıtsııa qyzmetkerleri bul qylmysty uzaq ýaqyt boıy tirkeýden jasyryp, ony ashýǵa eshqandaı shara qoldanbaǵan, - delingen habarlamada.

Aýdan prokýratýrasy qylmystyq isti tirkep, sotqa deıingi tergep-tekserýdi júrgizý jóninde polıtsııaǵa tapsyrma berdi. 

Nátıjesinde kúdikti tulǵalar ustalyp, is sotqa joldandy.

Polıtsııa bóliminiń kináli qyzmetkerleri tártiptik jaýapkershilikke tartyldy.

Buǵan deıin habarlanǵandaı, sońǵy úsh jylda TJM laýazymdy tulǵalaryna qatysty 103 jemqorlyq qylmysy tirkeldi.