Erevandaǵy saılaý ýchaskesinde daýys berý aıaqtaldy

EREVAN. QazAqparat – Qazaqstannyń Armenııadaǵy Elshiligi janyndaǵy №275 saılaý ýchaskesi jumysyn aıaqtady. Daýys berýshiler 100% keldi, dep habarlaıdy «QazAqparat» HAA menshikti tilshisi.

Armenııadaǵy Qazaqstan Elshiliginiń ǵımaratynda uıymdastyrylǵan №275 ýchaskede saılaýshylardyń daýys berýi jergilikti ýaqyt boıynsha saǵat 7:00-de bastaldy. Armenııa Respýblıkasynda turaqty jáne ýaqytsha turatyn Qazaqstan azamattary belsendilik tanytyp, daýys berý úshin qazaqstandyq dıpmıssııa ǵımaratyna tańerteńnen bastap kelgen. Daýys berý sanıtarlyq qaýipsizdik sharalaryn saqtaı otyryp, tynysh jaǵdaıda ótti.

Jergilikti ýaqyt boıynsha saǵat 20:00-de №275 saılaý ýchaskesi jabylǵan kezde (Nur-Sultan ýaqyty boıynsha saǵat 22:00), osy ýchaskede tirkelgen 67 saılaýshynyń barlyǵy da daýys berip úlgergen. Osylaısha, 100% daýys berildi.