Erevanda «ıAndeks» servısteri ýaqytsha isten shyqty
ASTANA. KAZINFORM — 11 qazan kúni tańerteń Erevanda «ıAndeks» servısteriniń jumysynda aqaý baıqaldy. Bul týraly Armenııadaǵy NEWS.am basylymy habarlady.
Basylymnyń málimetinshe, paıdalanýshylar biraz ýaqyt taksı shaqyryp, qoldanbadaǵy kartalardy paıdalana almaǵan. Sondaı-aq qoǵamdyq kóliktiń keletin ýaqytyn kóretin kezde de qıyndyqtar týyndaǵan.
NEWS.am habarlaýynsha, saǵat 11:00–degi jaǵdaı boıynsha qoldanbanyń qyzmeti birtindep qalpyna kele bastaǵan.
Sol kúni kompanııa dron shabýylynan keıin Vladımır qalasyndaǵy «ıAndeks» derekter ortalyǵynyń ınfraqurylymy zaqymdanǵanyn jáne nysannyń jumysy tegis toqtaǵanyn habarlady. Kompanııanyń málimetinshe, zardap shekkender joq. Qazir mamandar keltirilgen zalaldy baǵalap, ortalyqtyń jumysyn qalpyna keltirý joldaryn qarastyryp jatyr.
Buǵan deıin Reseıde birqatar servıstiń jumysy jappaı isten shyqqan edi.
Sondaı-aq buǵan deıin Yandex Go Kazakhstan servıster jumysyndaǵy aqaýlarǵa qatysty túsinik bergen edi.
Kompanııanyń baspasóz qyzmeti keıbir servısterde aqaý bar ekenin rastady. Qazir mamandar olardyń jumysyn qalpyna keltirýge kúsh salyp jatyr. Alaıda qyzmetterdiń qashan tolyq iske qosylatyny ázirge belgisiz.
ıAndeks ókilderiniń túsindirýinshe, kúrdeli tsıfrlyq servısterdiń jumysy ártúrli elderde ornalasqan serverlerge táýeldi. Sondyqtan bir serverdegi aqaý basqa elderdegi qyzmetterdiń jumysyna da áser etýi múmkin.
