Erevanda TMD elderiniń jastar saıasaty talqylanady
ASTANA. QazAqparat - 2018 jyldyń 7-8 qarashasynda Erevanda Táýelsiz Memleketter Dostastyǵyna múshe memleketterdiń jastar isi jónindegi keńesiniń otyrysy ótedi, dep habarlaıdy QazAqparat TMD Atqarý komıtetiniń baspasóz qyzmetine silteme jasap.
Kezdesýde TMD-ǵa múshe memleketterdiń 2020 jylǵa deıingi Halyqaralyq jastar yntymaqtastyǵy srategııasyn iske asyrý jáne 2021-2030 jyldarǵa osyndaı strategııany ázirleý boıynsha jumystardy júzege asyrý boıynsha 2018-2020 jyldarǵa arnalǵan is-sharalar josparynyń oryndalý barysyn talqylaý josparlanyp otyr.
Keńes músheleri «TMD-ǵa 100 ıdeıa» Halyqaralyq jastar jobasyn júzege asyrý jáne Dostastyq elderiniń jastar eriktiler qozǵalysyna qoldaý kórsetý máselelerin qarastyrady.
TMD-ǵa múshe memleketterdiń jastar uıymdary forýmyn daıyndaýdyń túrli aspektileri, jastar kásipkerligin damytý boıynsha TMD elderi uıymdarynyń yntymaqtastyǵy talqylanady.
Otyrysta kezekti merzimge Keńes tóraǵasy saılanady.
