Erevanda qarýly top jergilikti polıtsııa ǵımaratyn basyp aldy
Qarýlanǵan adamdar qarýdy zańsyz satyp aldy jáne saqtady dep aıyptalyp qamaýda otyrǵan Karabah qaqtyǵysynyń qatysýshysy, radıkaldy oppozıtsııalyq «Jańa Armenııa» qoǵamdyq qutqarý frontynyń jetekshisi Jıraır Sefılıandy bosatýdy surap otyr.
Ǵımaratqa áskerıler tartyldy. Polıtsııa baspasóz qyzmetiniń basshysy Ashot Agaronıan jaqyn arada polıtsııa resmı málimdeme jasaıtynyn aıtty.
Qazir Erebýnı aýdanyna baratyn barlyq joldardy japty, dep habarlady RIA Novostı.
22 maýsymda Erevannyń Arabkır jáne Kanaker - Zeıtýn ákimshilik aýdandarynyń jalpy ıýrısdıktsııalyq soty Sefılıandy «bir top tulǵalarmen birge, aldyn ala kelisim boıynsha birneshe qarý-jaraq pen oq-dári, jarylǵysh zattar nemese jarylǵysh qurylǵylardy zańsyz satyp alý, satý, saqtaý, tasymaldaý nemese alyp júrý» aıyby boıynsha eki aıǵa qamaý týraly sheshim qabyldady.
Al Sefılıan tergeýge jaýap berýden bas tartty.
