Erevanda ІІІ Eýrazııalyq ekonomıkalyq forým bastaldy
ASTANA. KAZINFORM – Forým EAEO-ǵa múshe memleketter men baqylaýshy memleketterdiń úkimet basshylarynyń qatysýymen ótetin Eýrazııalyq úkimetaralyq keńestiń otyrysyna, sondaı-aq Eýrazııalyq ekonomıkalyq odaq týraly shartqa qol qoıylǵanyna 10 jyl tolýyna oraı uıymdastyryldy. Forýmnyń basty taqyryby – «EAEO-qa 10 jyl, keleshegi men basymdyqtary».
Forýmǵa qatysýshylar EAEO-ǵa múshe memleketterdiń ekonomıkalyq yntymaqtastyǵynyń ózekti baǵyttaryn, jan-jaqty kooperatsııa men tehnologııalyq yntymaqtastyqty, tsıfrlandyrýdy, kólik ınfraqurylymy men logıstıkany damytýdy, ishki naryqtyń sapasy men kásipkerlikti qoldaýdy, sondaı-aq halyqaralyq yntymaqtastyqty jáne jalpy EAEO-nyń strategııalyq damýyn talqylaıdy.
Forým barysynda josparlanǵan is-sharalar aıasynda qatysýshylar birqatar ózekti máselelerdi qozǵaıdy: ishki naryqtyń sapasy, logıstıka men ınfraqurylymdy damytý, monopolııaǵa qarsy retteý, elektrondyq saýda, tsıfrlandyrý, ónerkásiptik kooperatsııa, týrızm jáne basqalar.
Forým aıasynda EAEO — Iran is-sharalarynyń serııasy ótedi, oǵan Irannyń kásipkerlik qoǵamdastyǵy, memlekettik sektory, ónerkásiptik sektor kompanııalary, kólik jáne logıstıka ókilderi qatysady.
Budan basqa, EAEO-Iran bıznes-dıalogy, EAEO men Iran arasyndaǵy saýda men ınvestıtsııalarǵa járdemdesý quraldary boıynsha dóńgelek ústel, EAEO jáne Iran elderiniń ónerkásip sektory, Kólik jáne logıstıka kompanııalary úshin dóńgelek ústel, agrarlyq sektor kompanııalary úshin is-shara josparlanǵan.
