Erevanda COP17 halyqaralyq konferentsııasy ótedi
EREVAN. KAZINFORM – 19-30 qazan aralyǵynda Armenııa astanasynda BUU-nyń Bıologııalyq alýantúrlilik jónindegi konventsııasyna qatysýshy taraptardyń 17-shi konferentsııasy (COP17) ótedi, dep habarlaıdy Kazinform agenttiginiń Erevandaǵy menshikti tilshisi.
Aýqymdy is-sharaǵa álemniń 190-nan astam elinen keletin 15 myńǵa jýyq delegat qatyspaq. Olar jahandyq deńgeıdegi ekologııalyq mindetterdi naqty iske asyrýǵa baǵyttalǵan josparlardy talqylaıdy.
Resmı málimetke sáıkes, konferentsııaǵa qazaqstandyq delegatsııa da qatysady. Atap aıtqanda Nıý-Iorkte ótken BUU Bas Assambleıasynyń 81-shi sessııasy aıasynda Qazaqstan men Armenııanyń syrtqy ister mınıstrleri kezdesip, COP17 aıasyndaǵy ózara is-qımyl men yntymaqtastyq máselelerin pysyqtaǵan edi.
Toqtala keteıik, is-sharany uıymdastyrý komıtetinen málim etkendeı, 19-30 qazan aralyǵynda memlekettik organdar qashyqtan jumys isteý rejımine kóshiriledi.
Buǵan deıin habarlaǵanymyzdaı, Armenııa premer-mınıstri Nıkol Pashınıan Qazaqstan halqyna jáne Prezıdent Qasym-Jomart Toqaevqa Kaspıı teńizindegi oqý-jattyǵý kezinde áskerı qyzmetshilerdiń qaza tabýyna baılanysty kóńil aıtý jedelhatyn joldaǵan edi.
