Erevanda avtobýsta bomba jarylyp, eki adam mert boldy

ASTANA. QazAqparat - Erevan qalasynda avtobýstaǵy jarylystyń negizgi sebebi - bomba. Eki adamnyń ómirin qıyp ketken jarylys týraly Armenııa polıtsııasynyń basshysy Vladımır Gasparıan osyndaı málimdeme jasady, dep habarlady VVS agenttigi.

Onyń aıtýynsha, bomba qoǵamdyq kóliktiń oń jaq bóliginde ornalasqan ekinshi oryndyq tusyna qoıylǵan. Jarylystan bomba jarqyshaqtary ushpaǵan, órt tutanbaǵan.
Oqıǵaǵa qatysty Armenııa prokýratýrasy ázirge qaýipsizdik talaptaryna saı emes qyzmet kórsetildi degen bap boıynsha qylmystyq is qozǵalyp otyrǵanyn jetkizdi. Polıtsııa sarapshylar zertteýinen keıin oqıǵa sebebi týraly naqty málimet beriletinin aıtty.
Qazirgi ýaqytta polıtsııa beınebaqylaý arqyly bombany jolaýshylardyń qaısysy alyp kirgenin nemese onyń avtobýsqa aldyn ala qoıylǵanyn anyqtaýda.
Aıta keteıik, dúısenbi kúni keshte Erevan qalasynyń ortalyǵynda «Bogdan» markaly avtobýsta jarylys boldy. Resmı aqparat boıynsha, jarylystan eki adam qaza tapty, 7 adam jaralandy. Eki jasóspirim aýyr halde aýrýhanaǵa jetkizilgen.
Interfaks agenttiginiń málimetinde japa shekkender Armenııa azamaty ekeni aıtylǵan.