Erevanda Aqsaqaldar keńesiniń saılaýy ótti
ARMENIıA. QazAqparat - Jeksenbi kúni Erevanda Aqsaqaldar keńesiniń saılaýy ótti. Bútin el boıynsha tańǵy saǵat 08.00-de ashylǵan 65 saılaý ýchaskesi keshki saǵat 20.00-de jabyldy. Al saǵat 00.00-de Armenııa Respýblıkasynyń Ortalyq saılaý komıssııasy aldyn ala málimetterdi jarııalady, dep habarlaıdy QazAqparat Armenpress-ke silteme jasap.
Aldyn ala esepteýlerge sáıkes, eń kóp daýys jınaǵan «Meniń qadamym» blogy. Atalmysh blog elektorattyń 82 paıyz daýysyna ıe boldy. Ekinshi orynda 6,3 paıyz daýyspen - «Gúldengen Armenııa» partııasy, úshinshi orynda 4,5 paıyz daýyspen «Lýıs» partııasy tur.
Erevannyń Aqsaqaldar keńesiniń kezekten tys saılaýynda daýys berý quqyǵyna 848 343 azamat ıe boldy.
Aqsaqaldar keńesiniń saılaýyna baqylaýdy 1 halyqaralyq uıym, 662 jergilikti baqylaýshy, 11 sheteldik azamat (qonaq dárejesinde) júzege asyrdy. Saılaý barysynan aqparatty 44 jergilikti jáne 10 sheteldik BAQ-tan 620 tilshi taratty.
Saılaýǵa qatysý týraly ótinimderin 12 saıası kúsh - 4 blok pen 8 partııa usyndy: «Mura» partııasy (kandıtat - Raffı Ovannısıan), «Lýıs» blogy (kandıdat - Artak Zeınalıan), «Erevan qoǵamdastyǵy» (kandıdat Anaıt Tarhanıan), PPA (kandıdat - Naıra Zograbıan), «Meniń qadamym» blogy (kandıdat - Aık Marýtıan), Aıkazýny partııasy (kandıdat - Gevork Ovsepıan), «Erkır tsıranı» partııasy (kandıdat Zarýı Postandjıan), «Demokratııalyq jol» partııasy (kandıdat - Manýel Gasparıan), «Orınats erkır» partııasy (kandıdat - Mger Shahgeldıan), ARFD (kandıdat - Mıkael Manýkıan), Reformashylar partııasy (kandıdat - Artak Avetıan), «Erevandyqtar» parttıasy (kandıdat - Ararat Zýrabıan).
