Erevanda Aqsaqaldar keńesiniń saılaýy bastaldy

EREVAN. QazAqparat -  Armenııa astanasy Erevanda búgin, jeksenbide Aqsaqaldar keńesiniń saılaýy bastaldy.   

Saǵat 8. 00-de Erevan aýmaǵynda 474 saılaý ýchaskesi ashyldy. 

Daýys berýge 842 147 adam qatysa alady. Saılaý ýchaskeleri  20. 00-ge deıin jumys isteıdi.  OSK derekterine sáıkes   saılaý barysyn baqylaýǵa 17 baqylaýshy uıym tirkeldi. Monıtorıngti   5138 baqylaýshy júzege asyrady.

 «Erevan qalasynda jergilikti ózin-ózi basqarý týraly» zańǵa sáıkes aqsaqaldar keńesi 65 músheden turady, olar 4 jylǵa saılanady. Eger partııalardyń biri 50 paıyzdan astam oryndy ıelense, osy partııalyq tizimdi basqaratyn kandıdat  Erevannyń  meri bolady.

Bul saılaýǵa úsh saıası kúsh qatysýda: Armenııa respýblıkalyq partııasy, «Elk»  oppozıtsııalyq blogy jáne «Erkır tsıranı» («Strana abrıkosa») oppozıtsııalyq partııasy.

Qazirgi mer Taron Markarıan 2011 jyly saılanǵan.