Erevan ýnıversıtetinde qazaq tili kýrsy jumys isteıdi

ASTANA. QazAqparat - Armenııada qazaq tiliniń mártebesi artyp keledi. Erevan memlekettik ýnıversıtetiniń túrkitanýshylary osy iske kóp kóńil bólýde. Tipti 5 jyldan beri onda ultymyzdyń mádenıeti men ádet-ǵurpyn tanystyratyn ortalyq jumys istep keledi. Al osy eldiń lıngvıst mamany qazaq tilin meńgerip, bilgenin ózgelerge úıretip júr, dep jazady «Habar» arnasy.

25 jastaǵy Shýshan Hachatrıan endi armıan, orys, aǵylshyn, túrik, qazaq tilderin biledi. Sońǵy 3 jylda ol Astanadaǵy mekemelerdiń birinde jumys istep, birqatar ádebıetterdi oqyp úlgergen. Sol kezde qazaq tilin de meńgerip alypty. Shýshannyń qazaq tiline degen qushtarlyǵy Muhtar Áýezovtiń «Abaı joly» epopeıasy arqyly artqan. Tipti áıgili týyndynyń negizinde ol lıngvıstıkalyq zertteýlerine de jaýap tapty.

«Men Astanada bolǵan kezimde Abaı men Muhtar Áýezovtiń jazýy boıynsha qazaq ultyn tanydym. ıAǵnı sizderdiń meıirimdi ári qaıyrymdy jandar ekenderińizdi uǵyndym», - deıdi Erevan memlekettik ýnıversıtetiniń aspıranty Shýshan Hachatrıan.

Lıngvıst óziniń doktorlyq dıssertatsııasyna ultymyzdyń uly týyndylaryn arqaý etipti. Endi ol Muhtar Áýezovtiń shyǵarmashylyǵyn keńinen zerttep, qazaq tilin tereńinen meńgerýge kiristi.

Erevan ýnıversıtetinde keler aptadan bastap qazaq tilin úırený kýrsy jumys isteıdi. Búginde oǵan 20 stýdent jazylyp úlgergen.