Erevan men Baký beıbit kelisimge kelýin tolyq quptaımyz — Murat Nurtileý

ASTANA. KAZINFORM — Erevan men Baký arasynda Beıbitshilik kelisimge qol qoıylýyn tolyq quptaımyz. Bul týraly QR Premer-Mınıstriniń orynbasary — Syrtqy ister mınıstri Murat Nurtileý aıtty.

министр
Фото: Виктор Федюнин/ Kazinform

— Shaǵyn jáne keńeıtilgen quramda ótken kelissózder barysynda óńirlik jáne jahandyq mańyzy bar ózekti máseleler boıynsha pikir almastyq. Ózderińizge málim, Qazaqstan kez kelgen daýly máselelerdi shynaıy tatý kórshilik pen halyqaralyq quqyq qaǵıdattary negizinde tek beıbit jolmen sheshýdiń qajettigin únemi málimdep keledi. Osy tusta, biz Erevan men Baký arasyndaǵy Beıbitshilik kelisimge qol qoıýǵa degen nıetti tolyq quptaımyz, — dedi ol Armenııanyń Syrtqy ister mınıstri Ararat Mırzoıanmen kezdesýde.

Sondaı-aq mınıstr bul kelisim eki el ǵana emes, tutas Eýrazııa keńistigi úshin mańyzdy ekenin atap ótti.

— Bul tarıhı qadam óńirdegi jańa strategııalyq múmkindikterge jol ashyp, Eýrazııa aýmaǵynda qarqyndy ekonomıkalyq, kólik-tranzıttik jáne energetıkalyq yntymaqtastyqqa eleýli serpin bererine kámil senemin, — dedi Murat Nurtileý.

Atap óteıik, qazirgi tańda Armenııada 100-den astam qazaqstandyq kásiporyn jumys istep tur. 

Eske salsaq, ótken jyldyń sońynda eki el arasyndaǵy dostyq qarym-qatynas taqyrybynda aýqymdy shara ótken bolatyn. 

Сейчас читают