Erevan Bakýmen qatynastyń tez arada qalpyna kelýine úmittenedi — Armenııa SІM

ASTANA. KAZINFORM — Armenııa bul protsestiń negizgi benefıtsıarlarynyń biri bolǵandyqtan, Ázerbaıjanmen qatynastyń tezirek salynýy, ashylýy jáne qalpyna kelýine óte múddeli. Bul týraly Polshanyń TVP World telearnasyna Armenııa syrtqy ister mınıstri Ararat Mırzoıan málimdedi, dep habarlaıdy Kazinform menshikti tilshisi.   

— Temirjol qatynasy týraly aıtatyn bolsaq, sarapshylardyń baǵalaýynsha, onyń qurylysy kem degende eki jylǵa sozylýy múmkin. Biraq biz, júkterdi mysaly Ázerbaıjan Respýblıkasynyń ınfraqurylymy men aýmaǵyn paıdalana otyryp jónelte jáne qabyldaı alamyz, — dedi Mırzoıan. 

Syrtqy ister mınıstri Ázerbaıjanmen bitimgershilik kelisiminiń mátinine qazirdiń ózinde qol qoıylǵanyn eske saldy. Onyń aıtýynsha, Armenııa tarapy kelisimge tezirek qol qoıýǵa daıyn.

— Ázerbaıjan tarapy belgili bir alǵysharttar usynyp otyr, biz bul kún tártibine kelispeımiz. Alaıda bitimgershilik shartqa qol qoıýdyń sońǵy rásimine deıin de qazirdiń ózinde júrip jatqan nemese qol qoıylǵanǵa deıin júzege asyrylýy múmkin protsester bar. Mysaly, biz bir-birimizge tózimdilikti arttyrý múmkindigin jáne halyqaralyq platformalardaǵy yntymaqtastyq bolashaǵyn talqyladyq, — dep atap ótti mınıstr.

Ol sondaı-aq ondaǵan jyldar boıy sozylǵan qaqtyǵystardan keıin armıan-ázerbaıjan qarym-qatynasynda jınalyp qalǵan problemalardy, EQYU-nyń Mınsk tobynyń jumysynyń toqtatylýyn, Armenııa-Ázerbaıjan shekarasynyń 12 shaqyrymyn delımıtatsııalaý úderisin eske saldy. 

— Tatýlasý protsesi ýaqytty alady. Beıbitshilik ornady, biraq ol eki jaqtan da turaqty qamqorlyq pen kúndelikti kúsh-jigerdi qajet etedi. Osy turǵyda eki taraptyń agressıvti rıtorıkasy bul protsesti jeńildetý úshin eshteńe jasamaıtynyn atap ótý kerek, — dep túıindedi Mırzoıan.

Eske sala ketsek, Ázerbaıjan men Armenııa Danııadaǵy kezdesýden keıin dıalogty jalǵastyrýǵa kelisti.