Erevan, Almaty jáne Aqtaý qalalaryn jańa áýe baǵyttary baılanystyrady
ASTANA. KAZINFORM – Qazaqstan men Armenııa arasyndaǵy áýe qatynasy jańa serpin alyp, aldaǵy aılarda elder arasynda tikeleı reıster iske qosylady, dep habarlaıdy Kazinform agenttiginiń Erevandaǵy menshikti tilshisi.
Osylaısha, 2026 jylǵy 12 maýsymnan bastap Armenııanyń ulttyq áýe kompanııasy Erevan — Almaty — Erevan baǵyty boıynsha turaqty áýe qatynasyn ashady. Reıster aptasyna eki ret — dúısenbi jáne juma kúnderi Armenııanyń «Zvartnots» halyqaralyq áýejaıynan oryndalady.
Sonymen qatar, sáýir aıynyń ekinshi jartysynda Aqtaý — Erevan baǵyty boıynsha tikeleı reıster qaıta jandanady. Ushý jıiligi de aptasyna eki ret bolady.
Baǵyttar jelisiniń keńeıýi eki el arasyndaǵy iskerlik jáne týrıstik saparlardy edáýir jeńildetip, sondaı-aq saýda-ekonomıkalyq baılanystardyń damýyna serpin beredi dep kútilýde.
Buǵan deıin Qazaqstan men Armenııa tikeleı áýe qatynasyn qaıta jandandyrý jáne damytý máseleleri boıynsha kelissózder júrgizgen bolatyn.
